[walaa farouk]

قالي جربت تسيبها علي الله.
# قلت له مش فاهم

# قالي يعني :

🌹 زي الشبان الأربعة إللي نقبوا السقف
ونزلوا المفلوج بالحبال و وضعوه أمام المسيح
🌹 زي الست العذراء في عرس قانا الجليل .
. إللي تقولهم كل مايقوله لكم أفعلوه
🌹 زي المرأة الكنعانية إللي عاوزة شفا لأبنتها .
. لدرجة حاسبة نفسها ضمن الكلاب وترد عليه قائلة
والكلاب أيضاً تأكل من الفتات الساقطة من مائدة أربابها
🌹 زي المرأة المديونة مع أليشع النبي
.. ذهبت وأستلفت أوعية كثيرة من الجيران
قبلما أن تري أي معالم للمعجزة
🌹 زي معلمنا بطرس الصياد والعارف في شغلته
.. لكن قبل أن يرمي الشبكة يقوله علي كلمتك ألقي الشبكة
🌹 زي التلاميذ يرصوا الناس وهم شايفين
وعارفين أنه لايوجد طعام يكفي كل هذه الجموع ..
ويقوموا بعدها يجمعوا الكسر في ١٢ قفة
🌹 زي نحميا البار إللي كلها سودة ومهدمة قدامه .
. ويقول إله السماء يعطينا النجاح ونحن عبيده نقوم ونبني
🌹 زي يهوشافاط إللي قال ليس فينا قوة .
. ونحن لا نعلم ماذا نعمل ولكن نحوك أعيننا

تسيبها علي ربنا يعني :

تقدم الطلب وتسيبه عنده .
.. ينفذه بحسب مشيئته في الوقت المناسب
لخلاص نفسك بحسب إرادته الصالحة

⬅️ يجيب عريس ..
⬅️ يجيب شغل ..
⬅️ يجيب شقة ..
⬅️ يجيب سفر ..
⬅️ يجيب شفاء ..
⬅️ يجيب فلوس ..
⬅️ يجيب ترقية ..
⬅️ يجيب حقك ..
⬅️ يجيب كرامتك ..
⬅️ يجيب كل إللي بتتمناه وتطلبه وتترجاه منه

أمتي وازاي ؟؟؟؟
دي شغلته هو .. وإمكانياته وقدراته هو ..

وعلشان تطمن خالص
هو لما بيريد :

❤ بيسيح الحديد ..
❤ ويشق في البحر طريق ..
❤ ويعول بغراب وعيش ولحمة
❤ ويقيم الميت بعد أن أنتن
❤ ويشفي بطرف ثوبه
❤ ويفتح الأعمي بالطين
❤ ويوقف الشمس في كبد السماء
❤ ويفجر الماء من الصخرة
❤ ويحول الأتون لنزهة ويمشي معاهم

إتكل علي الله وسيب طلبك عنده

❤🌹❤🌹❤🌹🌹🌹