[walaa farouk]

يوثام الملك
معنى اسمه يهوه كامل
ابن الملك عزيا أو عزريا وامه اسمها يروشا
ذكر عنه انه عمل المستقيم في عيني الرب
برغم بعض الضعفات في حياته لكن هنتأمل في ايجابياته ونتعلم منها
1- يوثام وعبادة الرب
لما تكبر أبوه عزيا وكان عايز يقدم ذبيحة على مذبح البخور وربنا عاقبه انه اصيب بالبرص طول حياته
كان يوثام يملك على يهوذا وابوه في فراش المرض
تأثر جدا يوثام بتربية أمه يروشا اللي هنتعرف عليها في شخصية الغد باذن يسوع
2- يوثام والاهتمام ببيت الله
طول فترة حكمه كان يهتم بترميم الهيكل وهو بنى الباب الأعلى للهيكل
لكن نعيب عليه انه كان يهتم بخدمة بيت الله ولم يدخل الهيكل لأنه كان خايف من اللي حصل لأبوه
3- يوثام والاتكال على الرب
كان يوثام في كل خطواته يطلب الرب وقيل عنه آية جميلة
في أخبار الأيام الثاني 27
6وَتَشَدَّدَ يُوثَامُ لأَنَّهُ هَيَّأَ طُرُقَهُ أَمَامَ الرَّبِّ إِلَهِهِ
في الحروب غلب علشان اتكل على ربنا
وفي السلم نجح لأنه اتكل على الرب
وفي فترة حياته ازدهرت المملكة
تعالوا نطبق اللي اتعلمناه
1- تمسك بإيمانك حتى لو كنت في وسط فاسد
وخصوصا في وقت الصوم هتلاقي نفسك الوحيد اللي صايم في البيت
ابدأ بنفسك وهتكون باكورة ان كل البيت هيصوم معاك
2- اهتم بخدمة بيت الله ولكن الأهم انك تكون جواه مش براه
قضيت حياتك في خدمة بيت الرب فمتى تخدم رب البيت
3- اجعل على الرب اتكالك في كل امور حياتك
وابدأ بالأمورالصغيرة لأن منها هتتعود انك دايما تطلب ربنا في كل أمور حياتك