[walaa farouk]

نحميا
معنى اسمه الرب تحنن
نحميا مثال للخادم الروحي اللي يعمل وسط المضايقات من الخارج والداخل
لكن أتم خدمته برغم كل الصعوبات
تعالوا نتعلم من الخادم العظيم نحميا
1- نحميا والشعور بالآخرين
أول فضائل نحميا هو الشعور بالآخرين برغم انه في مركز مرموق عند الملك
ساقي الملك يعني شخص يثق فيه الملك ثقة عمياء لدرجة انه يسمح لشخص
انه يقدم ليه الشراب ويكون معاه باستمرار يسمع أسرار كتير في المملكة
لكنه كان قلبه مرتبط بمدينة أورشليم المهدومة والمحروقة
لما تقدم للملك وهو حزين ومكمد الوجه كان ممكن يتحكم عليه فورا بالموت
لأن الملك هيشك انه مقدم السم في الشراب
لكن ربنا اعطاه نعمة في عيون الملك
2- نحميا الخادم الأمين
لما فكر انه يبدأ في العمل في مدينة أورشليم كان أول عمل ليه انه يبني سور للمدينة
وده فكر روحي نتعلم منه ان أول مرحلة في حياتك الروحية انك تبني سور للحدود بينك وبين الناس
3- نحميا ومواجهة المتاعب
مضايقات من الخارج من طوبيا العموني وسنبلط
ومضايقات من الداخل من رؤساء اليهود اللي مش عايزين يشتغلوا وعايزين يعيشوا مرتاحين
فكان بيواجه المضايقات دايما بالصلاة
وكلماته المشهورة
" اذكرني يا إلهي بالخير"
"إله السماء يعطينا النجاح ونحن عبيده نقوم ونبني"
4- نحميا الممجد
برغم كل المجد اللي كان لنحميا وكان ممكن بسهولة يطلب من الملك
انه يكون والي على اليهودية ويملك نفسه ملك لكنه فضل انه يكون خادم للشعب
برغم كل مضايقات الشعب وعدم سماعهم كلامه في كتير من الأوقات
لكنه قام بدور الخادم والكاهن والواعظ والعامل علشان يتم رسالته بنجاح
تعالوا نطبق اللي اتعلمناه
1- اشعر بمتاعب الآخرين لأن مشاركة الناس الامهم واتعابهم هيوصلك للسماء
2- ابني سور لعلاقاتك مع الناس وضع حدود بينك وبين الناس
حتى لا يتجاوز كل طرق التاني حتى لا يكون قلبك طريق يسرق منه سلامك
3- واجه المتاعب بالصلاة
4- قدم رسالتك ولا تطلب كلمة شكر ولا مجد من الناس