[walaa farouk]

ايه علاج التوتر اللي عايشينه البيوت في الثانويه العامه والامتحانات؟
لا مافيش علاج ولا حاجه😀 اي حد يقولك علاج التوتر قوله انت مش حاسس حاجه اصلا
هايطلع فيديوهات كتير رساله تقويه اولادنا في الثانويه
وبعدها فيديوهات قبل الامتحانات
تطلع فيديوهات رساله صبر وماتخافش من النتيجه
وبعد ما تطلع النتيجه يطلعلك فيديوهات وبوستات الممثل الشهير فلان جاب ٥٠ ٪؜
ودلوقتي ناجح الدرجات اخر حاجه تفكر فيها
كل ده في رائي عادي واتحفظ ومن الاخر ( هري) كل سنه
احنا في واقع واقع حقيقي صعب فبلاش نخففه بحاجات شبه المسكنات
طب الواقع الصعب ده حله ايه ؟
اعمل اللي عليك فعلا
طب لو عملت اللي عليك بس الظروف بتخونك
فكر التعليم في البلد نفسه ممكن يخونك
كل ده بره ارادتك
ثق بس ان قبل المذاكره تمسك الانجيل مع فنجان قهوه تمام كده وتقرا كلمه ربنا
وتخش بعدها بقي علي الحمل التقيل ده صدقني هاتحس ببركه
اعمل اللي عليك وكبر دماغك
طب والدرجات اللي نفسك تجيبها لو ماجيبتهاش ؟
أتأكد ان الحاجه اللي هاتتحط فيها وتعمل اللي عليك فيها هاتنجح فيها
حتي لو كليه مش علي هواك
نجاحك هو انك اي حاجه تكون فيها تنجح فيها
(وكل ما يصنع ينجح فيه)
كبر دماغك بقي من فيديوهات الثانويه العامه وفيديوهات الممثلين
اللي فشلوا في الثانويه وبقوا نجوم
وصور اللي علي الفيس اللي مكتوب عليها اسمك وتحتها مكتوب
(يا فلانه يا فلان البابا كيرلس بيقولك هاتنجحي وهاتنجح والجو ده)
كبر دماغك وحط ربنا واعمل اللي عليك وبس