31 - 05 - 2023, 08:43 AM
|
|
|
|
..::| الإدارة العامة |::..
|
|
|
|
|
|
الّذي يجْعل تخومك سلامًا، ويشْبعك منْ شحْم الْحنْطة
. مزمور 147:14
وفي أحد ترجماتها : هُوَ الَّذِي يَجْعَلُ حُدُودَكِ آمِنَةً،
وَمِنْ أَفْضَلِ الْحِنْطَةِ يُشْبِعُكِ خُبْزاً.
عارفين ايه المكان اللي حدوده مش متأمنة و اي حد ممكن يدخل
و يخرج منه في أي وقت .. و أي حد ممكن يرمي زبالته فيه .
. و هناك مفيش قوانين و مفيش عمار ومفيش أمان ؟!
الإجابة ببساطة هي ( الخرابة ) ..
يمكن بقالي وقت مش عارفة أصلي ، باقعد في الصلاة ساكتة
و لما باتكلم بأحس إن كلامي كله ملخبط و أوقات كتير أيأس و اهرب تاني بعيد ، وقت ملخبط و روتين يوم و عادات تسحلك في حتة
قادرة تتوهك بعيد عن نفسك و عن الله ...
بس لما قريت الآية دي و ترجمة تانية ليها دلوقتي حسيت إنه :
يااااااه يارب انت لسه بتطمني إنك مأمن حدودي
، لسه عايز تقولي إنه ختمك عليا و إني بنتك وسط كل العك
و اللغبطة دي ، لسه عايز تقولي ( انتِ بنتي مش خرابة ) ؟؟
أولاد الله مش ( خرابة ) ❎
حتي لو كنت بعيد و عاكك و متوسخ بالطين برضه إنت مش خرابة ..
حدودك لسة متأمنة في إيده و طعامك لسه من شحم الحنطة
( أفضل طعام ) ..
مكانك الحقيقي لسه موجود
إنت مش للخراب 🤗
|