[sama smsma]

ترنيمة قولهم انك معايا

لشهداء نجع حمادى

تقول كلمات الترنيمة:
أد إيه قلبي وَجَعني ... لما أخدوا مِنِّي وَلدي
يا عدرا دة إنتي أم يعني ... دُقتي هَمِّي ودَمع خَدِّي
آه يا وَجَعي يا مَراري
يا إلَهي طَفِّي ناري
مش بقول هاخد بتاري
بَس عَدلك هُوَّ قَصدي

1- نِفسي بنتي لمَّا تُخرُج تيجي تاني بالسَّلامة
وأبقى مش خايفة عليها مـ المَشاكل والمَخاطر
نِفسي أي وشُوش حزينة تلقى تاني الابتسامة
نِفسي لِلعِشرَة إللي بيننا نِبقَى نِعمل ألف خاطِر
مِد إيدَك يا رَجايا
ياللي بيك كُل الحِماية
قول لهم إنَّك معايا
أصلهم فاكريني وَحدي

2- إيه إللي يمنَع نِبقَى واحد رَغم أي فروق في ديننا
ياللا إيدَك وَيَّا إيدي نحُط للكَراهِيَّة آخر
أنا إيريني وإنتي فاطمة بس حُب كبير ما بينا
إفهموا ده الله مَحَبَّة زي ما هُو رحمن وغافِر
قُولوا للظَّالِم كِفايا
ذنبُهُم إيه الضَّحايا
بتطِحِن تحت الرَّحايا
يا إلَهي خُد بِيَدِّي

الكليب من ألــحان: سـامـح عبـيـد، وتوزيـع: جــــورج رمــزي، وتسجيـل: هـــاني ثابت.