[walaa farouk]

الحاجة_صفصف
دي بقى الناس اللي حكت مأساويتهم معاها اكتر بكتير
واللي بعت يسأل نعمل ايه مع نموذج الأم دي كتير
الصفات اللي الأم دي بتتصف بيها
ملحوظة التفاصيل مش من المسلسل حرفياً لأني مشفتوش 🙈&#128513

والنماذج اللي بتطلعها من تحت ايديها كتير ومتعبة جداً
سواء لنفسهم او للي حواليهم
هنناقش نموذجين مشهورين بيطلعوا من تربية النوع دة من الأمهات
اولاً
نموذج_النرجسي النرجسي او الديكتاتور
اللي غالباً عاوز الكون كله يلف حواليه
من كتر ما الأم دي بتنف-خ فيه بتخليه حاسس انه ما عاذ الله مبيغلطش خالص
الشخص ده اللي مثلوه ب جعفر_العمدة
صنفه علماء النفس لكذا تصنيف شرحتهم بالتفصيل
في توكسيكولوجي
في اللي الدنيا بتساعده يفرض سيطرته وجبروته
على اللي حواليه وبيبقى عاوز مثلا لو راجل مراته المستقبلية
تعظم وتبجل فيه طول الوقت
ولو ست بتبقى شايفة نفسها لازم تكون احسن واغنى واحلى واشهر واعلى…….ست في الكون وجوزها مينفعش مينفذش كل اللي هي عاوزاه
الشخصيات دي بتمشي بشعار "أنا الأفضل والناس لازم تلف في مدار الكون بتاعي"

وفي اللي مش بتساعده الظروف بانه ميبقاش عنده منصب او سلطة او مال فيعيش ناقم على العيشة ويحس انه ضحية لان برضه المشكلة في الناس اللي مش فاهمينه

ثانياً
النموذج التاني #الشخص_المهزوز اللي مثله سيد ودة بيبقى غالباً ضحية العنف أو الإهانة منها
أو التوقعات الرهيبة اللي بتحطهاله بغشامة من غير ما تفهم
اي اللي يقدر عليه
او المقارنة بينه وبين اخواته او قرايبه
او التقليل_من_شأنه
او الدلع الزيادة من غير تحمل مسئولية
كل دي وسائل بتخليها تطلع شخصية مهزوزة
عندها inferiority complex او عقدة نقص
وممكن يطلع بيشتري رضا الناس
او بيحس بالرفض
فبيحاول يكسب الناس بأي طريقه people pleaser
ممكن يتقمص #دور_الضحية ويدور على حد ينقذه
او يحس انه تايه وسهل حد يستغله وعلامات تانية كتير
حطتها في فصل (ليه المأذي بيرضى بالأذى؟!)
دة جزء ليه علاقة بالتربية
ازاي بقى النوع دة من الأمهات بيؤثر بشكل سلبي
على علاقات وحياة ولادهم