[walaa farouk]

الكلمات دي لفئة معينة .. مش لكل الناس..
لكل واحد شايل شيلة تقيلة..
لكل واحد مظلوم والظلم بيشتد عليه..
لكل واحد صابر لانه أمين، امين في شغله وعلاقاته
، أمين في بيته وخدمته، أمين لكن متداس عليه..
لكل واحد مش عارف يخطي خطوة جديدة
وطاقته خلصت وبقى محتاج حد يسنده..
لكل حد لاقي نفسه لوحده حرفيا، بيحارب بطوله
، بيحارب نفسه والعالم وإبليس..
لكل واحد في سكة التشكيل وعلى دولاب الفخاري..
الكلمات دي ليك انت مخصوص النهاردة..
يسوع مشي قبلنا خطوات صعبة وبشيلة تقيلة اوي على كتافه..
كان محتاج سندة وهو ماشي في طريق العار والصلب🥺..
كان واقف لوحده قدام ابليس واتحط عليه
مش بس تقل خشب الصليب لكن شال كل خطايا العالم💔
يسوع اتحمل الظلم قبلك..
هو النهاردة بيقولك انا قبلك عديت وخطيت عشان انت تعدي الصعب والمستحيل يا ابني..
انا سبقتك وباقولك اجمد مش مستحيل..
بص على خطواتي وحط رجليك عليها..
خطوات الصلب صعبة يا ابني وانا حاسس بيك..
انا بس باقولك إني باحوشلك ثقل مجد أبدي لأنك بتشاركني آلامي..

رددها يا ابني بصوت عالي عشان تدرك ايه هو عملي فيك اليومين دول..
"لأَعْرِفَهُ، وَقُوَّةَ قِيَامَتِهِ، وَشَرِكَةَ آلاَمِهِ، مُتَشَبِّهًا بِمَوْتِهِ،" (في 3: 10).