[walaa farouk]

الانتصار كان على الموت، على الشرير، وعلى الشر.
وبالتالي: المعركة مش مع الإنسان،
وهنا السؤال: مين اللي انتصر في المعارك دي؟
ونشوف القوة الحقيقية،
هل السيد المسيح انتصر على الموت؟
الكتاب المقدس بيقول لينا.. أيوه انتصر 😍✌️
والدليل على ده.. انه قام من الأموات،
واحنا بنتكلم عن موت السيد المسيح عاوزين نأكد
على حقيقتين مهمين جدًا لينا بنؤمن بيهم:
الحقيقية الأولى: أن السيد المسيح هو اتحاد طبيعتين..
طبيعة إنسانية وطبيعة إلهية، اتحاد دون امتزاج،
دون اندماج، دون انقسام، دون انفصال.
والحقيقة التانية: ان اتحاد بين الطبيعتين..
لم ينفصلا لا لحظة ولا طرفة عين،
وان الموت اللي حصل، حصل في الطبيعة الإنسانية،
يعني انفصال الروح والنفس الانسانية
عن الجسد الانساني مش طبيعته الإلهية
ودا يخلينا نجاوب بكل بساطة على سؤال زي
مين كان بيحكم الكون لما السيد المسيح مات؟
ولو عاوز توضيح أكتر تقدر تبعت لينا..
لكن نرجع لموضوع البوست..
السيد المسيح انتصر على الموت،
وبقيامته اعلن 3 حاجات مهمة:
1- لما تؤمن بالسيد المسيح وبايمانك ده
تاخد حياة ابدية، الموت ميقدرش عليك..
وبالتالي مبقاش فيه خوف من الموت.
2- الموت مؤقت فقط ومرتبط بالأرض
وحالة الفساد اللي احنا موجودين فيها،
3- الموت مش نهاية اي رحلة، لكنه بوابة
لمرحلة هتكون أعظم في يوم من الأيام
لكل اللي آمنوا وصدقوا فيه.