[walaa farouk]

عشت سنين من صغر النفس.. قدام الناس قوية
وصوتي عالي جريئة 😎🤨مع أني بأقل كلمة كنت بانهار وباقع بسبب المقارنات وإحساس عميق جوايا أني قليلة😞
ومش كفاية ولما بدأت أكتشف ده وأراقب ردود أفعالي في المواقف كان قدامي طريقين: أكمل أكابر وأنكر 😷
… أو أقرر أمشي طريق مختلف وأخد بإيدي .. 💪
واحدة من الأزمات اللي كبرت جوايا الإحساس ده
هي المقارنات والكلمات السلبية بتأثر أوي.
. حتى لو ظهرت كأن مش هاممني …😏
صغر النفس بيخليني مش قادرة أعيش حياتي
ولا أشوف قيمتي في عين ربنا وبيعكس النقص ده
في عيون الناس وده اللي حصل مع شعب بني إسرائيل زمان
"فَكَلَّمَ مُوسَى هكَذَا بَنِي إِسْرَائِيلَ، وَلكِنْ لَمْ يَسْمَعُوا لِمُوسَى مِنْ صِغَرِ النَّفْسِ، وَمِنَ الْعُبُودِيَّةِ الْقَاسِيَةِ." (خر 6: 9).
بتخلينا نشوف نفسنا صغيرين أوي في عنينا وده بيوصل للناس للأسف 🥺
"وَقَدْ رَأَيْنَا هُنَاكَ الْجَبَابِرَةَ، بَنِي عَنَاق مِنَ الْجَبَابِرَةِ
. فَكُنَّا فِي أَعْيُنِنَا كَالْجَرَادِ، وَهكَذَا كُنَّا فِي أَعْيُنِهِمْ»." (عد 13: 33).

وعشان كده دايما باقول لنفسي خلي بالك يا نفسي الشيطان خبير بالنفس الإنسانية وعارف إزاي يحطمها
وعشان كده عارف أن الوهم والأفكار تعتبر الحرب الباردة.