[walaa farouk]

مرة كنت في اجتماع وكان وقت التسبيح والمرنم بدأ يرنم 🎵🎼

"باحبك باهديلك كل قلبي .. باحبك💜
باهديلك كل عمري .. باحبك .. يا يسوع"💜

بس فاكرة كويس اوي إني أول ما بدأت ارنم
راح صوت ربنا وقفني😮
وقاللي متقوليش كلام وخلاص وسط الزحمة
انا مش بيتضحك عليا بالكلام 😐

وقتها قررت أوقف ترنيم وأقعد أصلّى
وبدأت اتكلم معاه وبدأ يشاورلي على حاجات كتير
في حياتي باحبها أكتر منه وواخدة مكان كبير جوه قلبي
و إكتشفت إني فعلاً مش باحب ربنا من كل قلبي 😟😞

لكن فضلت وقت باصلي إنه يساعدني
ويخليني أحبه اكتر ويطرد كل محبة غريبة من قلبي ويبقى هو ليه كل السيادة 💜
ومن بعدها قدرت ارنم الترنيمة دي من كل قلبي
وانا مدركة وحاسة كل كلمة فيها 🤩

علشان كده باشجعك إنك تيجي وتختبر اللي جوه قلبك
وإتأكد إنك قادر تحبه من كل قلبك قول له يارب
ساعدني احبك من كل قلبي ومفيش محبة غريبة
تشاركك في حبي ليك 💜