[walaa farouk]

أنا بخدم في الكنيسة وبواظب على الإجتماعات لكن :
• أنا شغال سيلز أصلا العملاء
مش بتصدق كلامي غير لما احلف لهم كذا مرة ..🙄


• أصلا عارف لغة السوق اية ؟ ( اللي تغلب بيه إلعب بيه )..
• أنا لو ملفتش ودورت على العميل مش هعرف اقنعه
و لا امشيه من قدامي راضي..🤷‍♂️
• أنا مش عارف أعدي في الامتحان
من غير ما اظبط شوية اسألة مع زمايلي ..
مستحيل كليتي صعبة جدا!😟
• لو مظبطش الموظف مش هيمشيلي
ورقي و هفضل متعطل كتير..😮‍💨


• لو اتكلمت بلطف ووداعة مع العمال هيستهتروا بيا
.. فلازم اتعامل ازعق و اتلفظ أوقات 😬
بس أنا في الكنيسة أنا مش بعمل كدا خالص😇
، أصل كل مجتمع بتعامل فيه بالطريقة الي تناسبه يعني لازم أمشي أموري عشان أنا بحب ربنا لكني كمان عايز أشتغل وأعيش !!
كم مرة فكرت في أفكار زي دي و سمعتها من ناس قريبة منك ...
النهاردة تعالي نفكر في أنه القداسة مش مرتبطة بمكان معين و لا مجتمع معين..
و كأني بلبس في كل مكان القناع اللي شغال مع الناس اللي فيه ..

قوله النهاردة أنا مش عايز أعيش بوشوش
.. عايز أعيش شبهك ...
تكون القداسة في قلبي وفكري في كل موقف كبير قبل الصغير
.مش بس أهتم بقداستي قدام الناس لكن الأهم قدامك