[walaa farouk]

👩 يوكابد قررت تتحدى قرار فرعون وماتقتلش طفلها،
ولما جت الفرصة إنها تربيه، علِّمته تعاليم الله،
فيكبر موسى ويجهز للمهمة اللي هتغير التاريخ.

👩 لوئيس عاشت حياة الإيمان وربِّت بنتها أفنيكي على الإيمان الواضح،
وكانت النتيجة حفيد شال مسئولية الكنيسة
في بلده وكان تلميذ لبولس الرسول، وهو تيموثاوس

👩 بعد ما اقتنعت إنها عاقر ومحرومة من الأمومة،
تصدق في وعد الله إن منها هيجي قاضي عظيم للشعب
يحررهم من العبودية، ويجي شمشون واحد من أهم الشخصيات
في تاريخ اسرائيل.

👩 دي كمان كانت خلاص فقدت الأمل في الخلفة،
ومنها يجي اللي اتقال عنه
"إِنَّهُ بَيْنَ الْمَوْلُودِينَ مِنَ النِّسَاءِ لَيْسَ نَبِيٌّ أَعْظَمَ مِنْ يُوحَنَّا الْمَعْمَدَانِ"
أليصابات صدقت وآمنت، فولدت أعظم شخص كان بيمهد الطريق قدام المسيح.


👩 تيجي راعوث من شعب غريب وثني وتصدق في الله
وتؤمن بيه، وتسمع كلام حماتها فتوصل إنها تكون
في سلسلة أنساب المسيح،
بعد ما خطوات إيمانها خلّتها جدة داود النبي.
رغم اختلاف زمن وجودهم وظروف كل واحدة فيهم،
المشترك بينهم إنهم صدقوا في ربنا وقدروا يرَبُّوا أولاد وأحفاد عظماء في الإيمان.
كل سنة وكل أم واخدة دورها في بيتها
وصلاتها داعمة لزوجها وبركة لأولادها من قبل ما يجوا للدنيا 💚