[walaa farouk]

ان عمر السعاده ما كانت مرتبطه بالعلاقات والحب
.. مش لازم تكون مبسوط لأنك مرتبط .. السامريه اتجوزت بدل المره 5 .
. دخلت ف اكتر من علاقه وخرجت منها خسرانه .
. مكسبتش حاجه .. فضلت فاضيه من جوه وعطشانه للحب الحقيقي ..
كتر العلاقات اللي دخلت فيها مشبعتهاش ولا طمنتها
.. فضلت خايفه وحاسه بوحده ونقص ..


كانت عارفه انها بتضحك علي نفسها ب الكلام الحلو اللي ياما سمعته منهم ..
وبالمشاعر الكدابه اللي ياما عاشتها .
. ارهقت روحها ف تجارب فاشله ومحاولات مزيفه للبحث عن الحب ..
لكن ف النهايه اتعلمت الدرس .. عرفت ان الحب اللي باقي هو حب ربنا .
. اللي بيحبها بدون مقابل .. مش عايز منها حاجه .. بيحبها زي ما هي ..
بعيوبها وغلطاتها و ماضيها المؤلم ..


بيحبها ف الوقت اللي هي مبتحبش فيها نفسها و قرفانه من روحها
.. وهنا حست السامريه انها خلاص لقيت حبيبها اللي ياما حلمت بيه من زمان
.. الحبيب الجدع اللي بيقبل عيوب حبيبته وبيستر عليها ..
الحبيب الوفي اللي بيستني ويصبر للأخر .
. ساعتها نسيت كل الماضي واللي فيه ..
نسيت حياتها القديمه وجريت علي بلدها تحكي للناس .
. وتبشر باللي عرف يخليها تحبه من أول نظره .. من أول نظرة حب عند البير
وهو ده الحب اللي كلنا بندور عليه .. 😍😍😍