[walaa farouk]

خير الفرح عاجله
على وزن "خير البر عاجله" ،
يعنى ما تؤجلش فرح ممكن تعمله للناس ..
لو ناوى تراضي حد او تعاتبه بحب ، اسرع و راضيه
و رطب خاطره و خلص الزعل اللي بينكم :
ليه تؤجل الخير طالما كده كده ح تعمله ؟؟
لو ناوى ترد على طلب ( بكلمة آه او حتى لو بكلمة لأ) ،
رد بسرعة و ما تسيبش حد يتألم من انتظارك ..
لو فيه أمانة عندك لحد ، توصلها بأسرع طريقة
علشان تفرح صاحبها و تطمنه
، و لو فيه التزام تخلصه فى موعده و قبل موعده ..
و لو ناوي تساعد حد ساعده بأسرع ما تقدر ،
و ما تسيبوش محتار و موجوع ..
اى حاجة تفرح الناس لا تؤجلها ،
فالفرح المؤجل حزن حالى ..