[walaa farouk]

القماصين .....المساكين

هم فعلا مساكين وبيتعبوا جدااااااا ....
عارف انهم ممكن يكونوا اتوجعوا جامد
بس لو استمر مقموص هيتوجع اكتر

وكمان المقموص مش بيجتهد انه يتأكد من اللى شافه او اللى سمعه

ويمكن مكبر المواضيع زيادة خاصة لو كان فى شوية
ذات لذلك قال الكتاب

تَعَلَّمُوا مِنِّي، لأَنِّي وَدِيعٌ وَمُتَوَاضِعُ الْقَلْبِ
، [[فَتَجِدُوا رَاحَةً لِنُفُوسِكُمْ]]. (مت ١١ : ٢٩)


المسيح قدم لنا حلول كتير ...
.منها العتاب ومنها الغفران بالتماس الاعذار ومنها التجاهل
والنسيان والصفيان

انما تفضل زعلان شهور وسنين من موقف او كده ....
..ده انتحار نفسى وروحى

نفسى لان القماص هيفضل يهرى مع نفسه
وهيفضل مخنوق وروحى لانه ان لم يغفر فلن يغفر له

مررها وماتمررهاش
Pass it on and don't make it bitter

تصفية الاجواء بين الناس مفرحة فتستاهل نتعب علشانها

العلاقات الحلوة تعطى سعادة وفرح ....فبلاش نكد وعكننة
....اصنعوا الفرح بالحب وابدأوا السما وانتوا لسه على الارض

وَجَمِيعُ الَّذِينَ آمَنُوا كَانُوا مَعًا، وَكَانَ عِنْدَهُمْ كُلُّ شَيْءٍ مُشْتَرَكًا...
.....وكَانُوا يَتَنَاوَلُونَ الطَّعَامَ بِابْتِهَاجٍ وَبَسَاطَةِ قَلْبٍ،
(أع٢ : ٤٤، ٤٦)