[walaa farouk]

= رغم الغلاء ؟🤔
- ايوه
= بس الدنيا صعبة😥
- بالظبط
= طيب شوية و خلاص😔
- بس الإحتياج كتير
= اللي معايا قليل
- هيكفي و يفيض💜

دار الكلام ده جوايا لما كنت رايح احط تبرع أكبر من المعتاد لناس بجد محتاجة
واللي حسم معايا الموضوع مش إنه هيفيض عليا بالبركات
ولا إن انا مستني التعويض وخلاص (رغم إن ده بيحصل)
لكن ...
حطيت نفسي قدام حقيقة نفسي هو انا فعلاً بأدي
من اللي باقي أو فايض ولا من إحتياجي ...
الحقيقة لاقيت نفسي يدوب بأحط العشور علشان مرتبلها
و عارف إنها الجزء بتاع ربنا😎
بس لما يتطلب مني حاجة زيادة بأقول لنفسي أنا محتاج لهم
و ربنا إديتله نصيبه 😌
بس لاقيت شوية آيات خبطوا فيَّ💜
ثُمَّ نُعَرِّفُكُمْ أَيُّهَا الإِخْوَةُ نِعْمَةَ اللهِ الْمُعْطَاةَ فِي كَنَائِسِ مَكِدُونِيَّةَ
، أَنَّهُ فِي اخْتِبَارِ ضِيقَةٍ شَدِيدَةٍ فَاضَ وُفُورُ فَرَحِهِمْ وَفَقْرِهِمِ الْعَمِيقِ لِغِنَى سَخَائِهِمْ، لأَنَّهُمْ أَعْطَوْا حَسَبَ الطَّاقَةِ، أَنَا أَشْهَدُ، وَفَوْقَ الطَّاقَةِ
، مِنْ تِلْقَاءِ أَنْفُسِهِمْ (٢ كو ٨: ١-٣)
لَكِنْ مَنْ أنَا، وَمَنْ هُوَ شَعْبِي، لِكَي نُعطِيَ بِهَذَا السَّخَاءِ؟
لِأنَّ كُلَّ شَيءٍ مِنْكَ، وَمِنْ يَدِكَ أعْطَينَاكَ (١ أخ ٢٩: ١٤)
الترجمة العربية المبسطة
وَلِئَلاَّ تَقُولَ فِي قَلْبِكَ: قُوَّتِي وَقُدْرَةُ يَدِيَ اصْطَنَعَتْ لِي هذِهِ الثَّرْوَة
. بَلِ اذْكُرِ الرَّبَّ إِلهَكَ، أَنَّهُ هُوَ الَّذِي يُعْطِيكَ
قُوَّةً لاصْطِنَاعِ الثَّرْوَةِ (تث ٨: ١٧، ١٨)

ساعتها قلت لنفسي
انا هابدأ أدي لأنه هو اللي بيدي الفلوس (١ أخ ٢٩: ١٤)
و القوة اللي بتخليني أعملهم (تث ٨: ١٧، ١٨) و كمان لأنها نعمة (٢ كو ٨: ١-٣)
مش عايز أحس إني فاتر في عطائي علشان بأدي من اللي فايض
لكن أدي من خيره اللي عليَّ
فتكون علاقتي بالله مبنيه على الإيمان القوي بيه
مش ماسك العصاية من النص