[walaa farouk]

عيشت في بيت جميل، أبويّ وأمي يعرفوا ربنا وعرفوني طريقه..
كبرت شوية وعرفت ربنا أكتر.. كملت المشوار وبدأت اقدم ليه اكتر...
وفضلت سنيييييييييين كدة بس ماليني احساس إني ناقصني حاجة..
وكل بداية سنة أقوله خليني أعرفك.. "خليني مريم"
.. انا تعبت من دور مرثا الملبوخة اللي ماليها مشغولية وفتور..
وفضلت كل سنة أطلب نفس الطلب حوالي ٨ سنين 🙈
لغاية ما بدأت الاقي جووووووع حقيقي للقعدة قدامه..
. سبت كل حاجة وركزت معاه...
ماعرفش أوصف اللي حصل لكن اللي أقدر أقوله
إني بقيت باحب ربنا وباحب كلمته..
هو ملاني بمحبة حقيقية خليتني ماشية وراه في قرب مختلف🥰..
بقى صوته أوضح.. بقى كلامه حلو..
لاقيتني باديه وقت أكبر وممكن اخد إجازة من شغلي
عشان بس أقعد وأصلي وأقرأ وأحكي معاه😍..
اللي بسطني إني بقيت اقوى.. بقى إيماني بيه أعمق
.. كمان اللي حواليّ شايفين أنا قد إيه بقيت أجمل لما حبه سبى قلبي🫶🏼..
صديقي اشجعك تطلب الكلمات دي: "حولني من مرثا لمريم..
حارب بدالي يارب الفتور.. قويني فأقرب منك وأديك الأولوية
.. فكني من حرب المشغولية والربكة"🥹🙏🏻..

اوعى ترضى بصورتك الخارجية اللي تبان فيها تمام
.. اهتم بقربك ليه من جوه.. اهتم يكون الأول وغامر في الرحلة😇..

من_برّه_هالله_هالله