[walaa farouk]

منوح والد شمشون
معنى اسمه راحة أو هدوء
هو والد شمشون اللي اتعرفنا على شخصيته في الشخصية رقم (109)
وزوجته اتعرفنا على شخصيتها في الشخصية رقم (108)
هنلاقي قصته في سفر القضاة 13
تعالوا نتأمل في شخصية منوح ونشوف هنتعلم ايه؟
1- منوح البار
كان منوح إنسان بار وده انعكس على بيته وظهور الملاك لزوجته
وكمان برغم ان زوجته عاقر لكنه لم يفكر في الزواج من غيرها
2- منوح وإيمانه
اول ما زوجته حكت له على ظهور الملاك لها
فَصَلَّى مَنُوحُ إِلَى الرَّبِّ: «أَسْأَلُكَ يَا سَيِّدِي أَنْ يَأْتِيَ أَيْضاً إِلَيْنَا رَجُلُ اللَّهِ
الَّذِي أَرْسَلْتَهُ وَيُعَلِّمَنَا مَاذَا نَعْمَلُ لِلصَّبِيِّ الَّذِي يُولَدُ».
أول شيء صلى الى الله
صدق وآمن بكلام الله ولكنه اشتياقه ليرى ملاك الله خلاه يطلب من الرب انه يظهر تاني
3- منوح المحبوب
كان منوح محبوب لدى الرب بدليل استجابة صلاته
لكن بطريقة تاني
لم يظهر ملاك الرب لمنوح لكن ظهر لزوجته (الجانب الضعيف اللي محتاج تقوية)
لكن من محبة ربنا ليه انه ملاك الرب لم ينصرف الا عند رجوع منوح
لأن زوجته راحت واخبرته ان الملاك ظهرلها
ودليل تاني انه محبوب انه الله استجاب ليه انه يقدم محرقة وربنا قبلها
4- منوح الكريم
كان منوح عايز وقت اطول في حضور ملاك الرب
17فَقَالَ مَنُوحُ لِمَلاَكِ الرَّبِّ: «مَا اسْمُكَ حَتَّى إِذَا جَاءَ كَلاَمُكَ نُكْرِمُكَ؟»
وطلب انه يجهز للملاك جدي ليأكل (بحسب بساطته)
15فَقَالَ مَنُوحُ لِمَلاَكِ الرَّبِّ: «دَعْنَا نُعَّوِقْكَ وَنَعْمَلْ لَكَ جَدْيَ مِعْزىً».
لكن الله نظر إلى محبته وكرمه وصعد المحرقة وقبلها الله
تعالوا نطبق اللي اتعلمناه
1- من السهل ان تكون بار في انك تعمل ما هو واجب عليك
فقط أحب الله وأحب الناس
عامل الناس على ان كل واحد فيهم معاه مفتاح الملكوت ولو ارضيته هتدخل السماء
2- قوي نفسك بآيات مشجعة للايمان حتى تتمسك بالايمان
في زمن قارب على ان ينعدم الإيمان الصادق بمواعيد الله
3- تمسك بحب الله ليك انك تعمل اعمال تمجد الله فيك
4- افتح يدك بالعطاء حتى ينظر الله لمحبتك وكرمك فيعطيك أكتر واكتر
وتقتني لك كنز في السماء من العطاء