[walaa farouk]

في يوم شخص قريب مني عزيز جدا جدا عليّ مات …
وساعتها واحنا واقفين في العزاء حد قال "نتقابل معاه في السماء"
وساعتها سكت …. وسرحت كتير اوي اوي
لا ممكن منتقابلش معاه .😞😞
اه ممكن ميكونش قبل خلاص المسيح بشكل شخصي
وساعتها كان جوايا بكاء كتير اوي
يااااا ده كان في فرصة اشاركه المسيح بس انا سكت …
كان في فرصة اشاركه الخبر المفرح وانا سكت ….
كان ممكن اكون السبب في ان حياته تتغير بس انا خوفت ….
دايما مكنتش احب اشارك ايماني بالمسيح مع اي حد مهما كان
ودايما متعودين إن دي حاجات شخصية
لحد ما بقيت باتحط في مواقف
لازم اتكلم ..لازم اقول …
بس الوقت اللي مكتف لساني اكتر بكتير من الوقت اللي باتكلم فيه..

وفهمت أن كل يوم ناس كتير اوي اوي حياتهم بتخلص فجأه منهم القريب ومنهم البعيد
عملت دوري ….
قدمت ليهم المسيح …
ومش بس كده
لكن كمان كتير اوي بافكر ان دي امور شخصية
ومش حلو اني اتدخل في حياة الشخص الروحية لحد ما حسيت ان علي الاقل اشارك باللي غير حياتي ..
اشارك باللي ملا قلبي رجاء وايمان
وكل مرة باقعد قدامه واشبع منه
ومن كلمته بابقى عاوز اشارك ناس اكتر….

"بَلْ قَدِّسُوا الرَّبَّ الإِلهَ فِي قُلُوبِكُمْ، مُسْتَعِدِّينَ دَائِمًا لِمُجَاوَبَةِ
كُلِّ مَنْ يَسْأَلُكُمْ عَنْ سَبَبِ الرَّجَاءِ الَّذِي فِيكُمْ، بِوَدَاعَةٍ وَخَوْفٍ،
" (1 بط 3: 15).
تعد
عشان كده بشجعك تشارك إيمانك وإيه اللي غير حياتك💜

من_برّه_هالله_هالله