[walaa farouk]

الفراخ غليت
واللحمة كمان
ده غير البانيه 😅 اللي بقى في حتة تانية

بجد الوقت ده صعب و الناس اللي في إحتياج بتزيد
و الإحتياجات بقت للأساسيات أكتر
يمكن ده حالنا اليومين دول
كل حاجة حوالينا بتغلى و بقينا نفكر كتير في بكره
و هنعيش إزاي... و ده طبيعي جداً

بس هل ده هيخلينا نقصر؟
نقصر في إننا ندي من الخير اللي ربنا مديهولنا
أيوه الدنيا صعبة و بنقول بيتي أولى
لكن تفتكر إننا لما بندي من خيره علينا هو هيسيبنا ....؟
يمكن عارفين الآية اللي بتقول
أَعْطُوا تُعْطَوْا، كَيْلاً جَيِّدًا مُلَبَّدًا مَهْزُوزًا فَائِضًا يُعْطُونَ فِي أَحْضَانِكُمْ
. لأَنَّهُ بِنَفْسِ الْكَيْلِ الَّذِي بِهِ تَكِيلُونَ يُكَالُ لَكُمْ. (لوقا ٦: ٣٨)
تخيل إنه بنفس الكيل اللي بتدي بيه هتاخد 🫣
و مش بس زي ما إديت لكن بزيادة
وكمان مكتوب
هَاتُوا جَمِيعَ الْعُشُورِ إِلَى الْخَزْنَةِ لِيَكُونَ فِي بَيْتِي طَعَامٌ،
وَجَرِّبُونِي بِهذَا، قَالَ رَبُّ الْجُنُودِ، إِنْ كُنْتُ لاَ أَفْتَحُ لَكُمْ كُوَى السَّمَاوَاتِ،
وَأَفِيضُ عَلَيْكُمْ بَرَكَةً حَتَّى لاَ تُوسَعَ. (ملاخي ٣: ١٠)
يعني أكيد هيفيض عليك بخير
ممكن يكون الخير ده في شكل ماديات لكن كمان فيه أشكال تانية
يعني شبع ... عدم إحتياج ... إكتفاء ..
. عمر طويل لحاجات عندك ... صحة ...
أفتكر بولس لما إتكلم عن كنائس مكدونية قال
أَنَّهُ فِي اخْتِبَارِ ضِيقَةٍ شَدِيدَةٍ فَاضَ وُفُورُ فَرَحِهِمْ وَفَقْرِهِمِ الْعَمِيقِ
لِغِنَى سَخَائِهِمْ، لأَنَّهُمْ أَعْطَوْا حَسَبَ الطَّاقَةِ، أَنَا أَشْهَدُ،
وَفَوْقَ الطَّاقَةِ، مِنْ تِلْقَاءِ أَنْفُسِهِمْ، (٢ كورنثوس ٨: ٢، ٣)
برغم إحتياجهم أعطوا فوق الطاقة
إتشجع ... قوم ... إعطي
هتتبارك بغنى إلهي مالوش زي 🤩