[walaa farouk]

معظمنا مش بيحب الصوت العالي والدوشه والإزعاج 🗣️
وعلشان نتخلص منها بنقفل المصدر اللي جاية منه
سواء شباك أو باب🪟🚪
وإحنا حوالينا اصوات كتير بتسبب لينا دوشة وإزعاج
أصوات اقتصادية إرتفاع الأسعار 💵
أصوات سياسية أخبار حروب✈️
كلها أخبار مزعجة وبتسبب لينا قلق وخوف 😧
والحل ايه؟ 🤷🏼‍♂️
"وَأَمَّا أَنْتَ فَمَتَى صَلَّيْتَ فَادْخُلْ إِلَى مِخْدَعِكَ وَأَغْلِقْ بَابَكَ"
يعنى ادخل وصلى و إقفل بابك بس
وكل أبواب ممكن تسببلك تشتيت
زي المرأة الشونمية أغلقت الباب علي إبنها اللي مات
ودخلت مع النبي أليشع أغلقت على كل توقع عكس إيمانها
وكل كلام فيه فقدان الأمل والرجاء 😇
و الأرملة اللي اغلقت الباب هي وأولادها
ومكانش عندها غير شوية دقيق ودهنة زيت
قفلت على كل واقع فيه موت وجوع وإحتياج وتمسكت بالحقيقة ونالت تسديد الإحتياج 👩‍👦‍👦
إغلق ودانك عن كل اخبار سلبية بتسمعها عن نفسك
وعن شغلك وعن كنيستك وعن بلدك👂
إغلق عينك عن كل مواقع فيها إغراء وشر بتوقعك في الخطية 👀
إغلق لسانك عن كل نميمة وشكاية وأخبار الناس 🗣️
إغلق ذهنك عن كل أفكار سلبية وحصّنه بالكلمة 📖
إغلق على نفسك وإستمتع بالحق والحقيقة اللي ليك في المسيح 😇

محتاج كل مرة عايز آخد وقت مع ربنا إني أقرر أقفل كل أبواب حواليَّ💜