[walaa farouk]

الكنيسة مش للمؤمنين 😳




الكنيسة للخطاه والمقيدين ولكل شخص بعيد عن الرب يسوع ...
ده مكانه اللي هيتقابل فيه مع شخص الرب وتتغير حياته
ويشعر بالقبول والمحبة والاهتمام والاحترام فيتغير حاله.
بيأسرني كلام الرب يسوع لما قال في انجيل (لوقا ٥: ٣٢) :
لَمْ آتِ لأَدْعُوَ أَبْرَارًا بَلْ خُطَاةً إِلَى التَّوْبَةِ».

امال يعني ايه الكنيسة مش للمؤمنين ؟؟
يعني مش للمؤمنين ال٩٩ اللي شايفين نفسهم زي الفل ولا يحتاجون الي التوبه !!
مش للمؤمنين اللي عايزين يقضوا حياتهم كلها لنفسهم وشايفين الكنيسة
مكان للتعزيه فقط دون النظر إلي اخوتهم الأضعف.
مش للمؤمنين اللي بيدينوا وينقضوا ويزرعوا خصامات.
مش للمؤمنين اللي واخدين مكان ربنا وبيقرروا مين يدخل ومين يخرج ومين يخدم ومين لا.
مش للمؤمنين اللي مش بيكرزوا بكلمه الله
مش للمؤمنين اللي عايزين ياخدوا بس مايدوش.

الكنيسة مكان للمرضي مش للاصحاء ودور المؤمنين يستقبلوا الحالات المريضه دي
ويخدموهم ويوصلوهم بيسوع.

ندااااااء لكل خاطئ (((ده مكانك ويسوع بيدور عليك)))
وندااااء لكل مؤمن (((أخرج بره نفسك وبره ذاتك واخدم الرب في ولاده))).

في ناس كتير بعيده عن يسوع بعدت اكتر بسبب نظرة المؤمنين ليهم.
ارجوكم والكلام لي اول واحد خلونا نكون صورة للمسيح
ونكون شهاده حيه عنه فعلا جوه وبره الكنيسه.
يسوع مش في الكنايس كمباني
يسوع جوه كل واحد فينا سواء في شغله أو بيته أو في الشارع.


.