[walaa farouk]

من أجلي
البعض ممكن يسأل : ليه ربنا يسوع اتعمد وهوه طبعاً مش محتاج للمعمودية ؟
الإجابة : من أجلي.

كل أعمال المسيح كانت [ من أجلنا ] زي ما بنعلن في قانون الإيمان.
1- الإنسان ميقدرشي ياخد الروح القدس من نفسه، دي نعمة وعطية من ربنا أنه يدينا نفسه.

2- احنا كنا محتاجين يحلّ علينا الروح القدس بثبات ولا يفارقنا.
ففي كل العهد القديم، الإنسان كان ضعيف ولا يستطيع الاحتفاظ بالروح القدس بثبات.
. زي ما بنقرا في قصة الملك شاول وإن الروح القدس فارقه لما أخطأ (1صم 16 : 14).
. علشان كده داود النبي اللي شاف المنظر الصعب ده، كان بيصرخ
" روحك القدوس يارب لا تنزعه مني ".

جه المسيح وحلّ عليه الروح القدس وهوه بيتعمد..
هنا حصل مكسب كبير قوي لينا..
ليه ؟
لأن الروح القدس واحد ومتحد بالمسيح ولا يمكن يفارقه طبعاً..
فبقى فيه ولأول مرة إنسان -
يقدر يحلّ عليه الروح القدس بثبات ولا يفارقه..
المسيح حل لنا مشكلتنا وبقينا نقدر ناخد الروح القدس في سر المعمودية بثبات ولا يفارقنا أبداً أبداً..

علشان كده الأب الكاهن بيقول للمُعمد [ اقبل الروح القدس..
كن إناء طاهراً للروح القدس ].
وبيقول عن سُكنى الله فينا بثبات [ ختم لا ينحل ].
وبكده اتحقق وعد الرب لينا " وأنا أطلب من الآب فيعطيكم معزياً آخر (الروح القدس)
ليمكث معكم إلى الأبد "(يو 14 : 16).