[walaa farouk]

في نهاية عام مروح
وقفت أحاسبه
أيوه وقفت احاسبه
علي ضيق اليد علي المرض
علي أيام حزنها مكحل شمسها
علي كمدة القلب من المشاكل والتعب
أيوه تعبت يمكن مش بقول
لكن القلب مليان وساكت
فينك وقت جوع البطن والقلب والمشاعر
ليه كنت واقف من بعيد ومش شاعر
عملتنى ورمتنى اكنى من غير أب
اكنى مسؤل عن خلقتى ومطلوب اعافر
أيوه وقفت أحاسبه
فاكر لما الكل كان بيضحك وانا حابس دمعتى جوه قلبي؟ فاكر!
فاكر لما شكوتى صوتها شق الكون وماكنش ليها سامع؟!!!!
فاكر وفاكر وفاكر؟!!!!!
بص لى يومها وابتسامته ممزوجه بعتاب
ولحقته قبل مايقول كلمه
اوعى تقول انى مفترى ومافييش أمتنان
أنا بحكى كل اللي حصل من عير ما ازيف حرف منه 👌
طبطب علي الكتف اللي مال
وقالي خلاص؟ خلصت؟
قولت كل اللي عندك؟
قولت اه واه واه. خلصت بعد ماخلِصت
قالى … اسمع ها اقولك ومش بدافع
انا عاوز اقولك انا اد ايه شايف وسامع
فاكر يوم طروفك كانت وكانت
عارف مين بعت ظرف لولادك؟ كنت انا
فاكر وقت حزنك وقت ما اداريت ودمعك مالى قلبك قبل عينك؟
مين اللي جالك فرحك وشجعك وعرفك؟ كنت انا !!!!!
انت فاكر يا ابني ان ممكن لحظه واحده عينى ماتكونش عليك؟
كنت زمانك ماكونت !!!
من يوم مانفخت فيك نسمة حياة
وانا شايلك بجملتك
ايوه رغم انك حزين تعبان فقير وجعان لكن جوه حضنى ساترك
وعندى فرحتك بتلاقيها ومش عند غيرى
فاكر ولا اقول كمان؟
ولقيتنى مش عارف ارفع عينى في عينيه
والدمع اللي حوشته من سنين نزل
ايوه كله نزل
وقتها بس حسيت اد ايه انا ……
ناكر وماطمرش الجميل
لكنه ولايوم عمره لامنى ولا ضعفي شافه نقص فيا
بالعكس بالنعمه كمل كل ضعف فيا
في نهاية عام مروح
وقفت احاسبه !!!!!!!!!!!

منقوووول