[walaa farouk]

كنا عايشين في بلد اسمها سدوم و عمورة
بعيدة عن البلد اللي فيها بقيه اهلنا..

البلد دي كان شرها عظيم جدا وصعد شرها لربنا بعد صبر سنين كتير...
قرر الله انه يهلك المدينة دي بكل اللي فيها...

لكن كان لينا قريب " راجل تقي وقديس اسمه ابراهيم"
فضل يصلي ويتضرع عشان اهل المدينة وسلام المدينة...

لكن شرها كان عظيم جدا ماكنش في ولا واحد تقي يستاهل انه يعيش..
وفي اليوم اللي قرر فيه ربنا انه يبيد المدينة بالنار و الكبريت...
بعت ملايكة لبيتنا عشان ينقذونا...

ابونا وامنا كانوا مش قادرين يمشوا
ولا مصدقين اللي ممكن يحصل في المدينة دي...
الملاك شدهم بالعافية برة البيت
عشان مايهلكوش ووصانا نجري بعيد
ومحدش يبص وراه ابدا

امي جريت وسابت قلبها هناك من بعيد بصت لورا علي المدينة
وهي بتولع وفي الحال اتحولت لعمود ملح واحنا مشينا و سبناها

صلاة 🙏
يا رب في خطية مكلبشة في حياتي....
انت جيت وحزرتني كتير اسيبها وانا مش عايز ..
تعبان منها لكن مش عندي القدرة ولا عايز اسيبها..
يا رب تعالي المس قلبي بأيديك اللي بتشفي و بتطهر من اول وجديد....
ساعدني يا رب اكون انسان جديد واخلق فيا طبيعه جديدة
بتكره الخطية..
مليش سلطان علي روحي ...لكن انت تقدر.امين 😍❤