[walaa farouk]

كتير باشعر باحباط ويأس من نفسي..
باخجل من كل وعودي اللي باقدمها ليك يارب😰
ورغم إن وعودي حقيقية وخارجة من قلبي، إلا إني بانهار تماما وسط زحمة اليوم،
وصراع المدارس، ودوشة العيال، وطلبات البيت اللي مش بتخلص، و.. و.. و..
ووسط كل ده صراع وراء لقمه العيش 🥹…
اجهاد رهيب لدرجة باوصل للسرير اخر اليوم فاصلة .. باخد اخر نفس بالعافية …
واقوم تاني يوم باجري في السباق، ووسط اليوم كلامي ليك: "انت عارف إني عاوزه أعيش ليك
… بس مش لاحقة" 🥹🥹🥹😞😞
وامبارح وسط الدوامة صرخت بكلمات بطرس
يَا رَبُّ، أَنْتَ تَعْلَمُ كُلَّ شَيْءٍ. أَنْتَ تَعْرِفُ أَنِّي أُحِبُّكَ».
واتفجرت جوايا دموع وصلوات كتير اوي
ايوه يارب باحبك 💜
باحبك وسط الضغط والضعف والضيق والتعب والاحباط ومتطلبات البيت
وصراخ الولاد والأزمة المادية ..
باحبك وسط قلة حيلتي ..
وشعرت بحضن وكلمات الآيه دي
وَلَيْسَتْ خَلِيقَةٌ غَيْرَ ظَاهِرَةٍ قُدَّامَهُ، بَلْ كُلُّ شَيْءٍ عُرْيَانٌ
وَمَكْشُوفٌ لِعَيْنَيْ ذلِكَ الَّذِي مَعَهُ أَمْرُنَا." (عب 4: 13).
ياااااا رب
يعني انت شايف صراعي.. شايف حيرتي وتعبي، وإني باحاول، وساعات باقع وباقوم ..
شايف انهياري وأنا بالملم نفسي كل يوم …
يا اللي بتصارع في يومك، اللي وسط كل ده بتحبه وعاوز تعيش ليه..
اطمن هو شايف …
هو معاه أمرنا…🙏🏻