[walaa farouk]

واقف لوحدي قدام إبليس..
شعور مش مخوفني، لكن مش عارف آخره إيه...
كل يوم حرب جديدة .. كل يوم ضغط من كل الجوانب..
. واخوكم بقى إيه اللي يشوفه يقول جبَل أو جِبلة أيهما أقرب🙈...
يمكن كإنسان طبيعي بانهار للحظات،
لكن قادر اشوف تعب ربنا فيّ السنين اللي فاتت، خلى جبهتي زي الصوان...
خلاني صلب وناشف، قادر أفهم مخططات إبليس وأصد هجماته💪🏻..
الرب خلاني متأكد أنه معايّ زي ما الكلمات بتقول : "
وَلكِنَّ الرَّبَّ مَعِي كَجَبَّارٍ قَدِيرٍ." ارميا ٢٠: ١١..
فبقيت باتصرف قدام الحرب كابن منتصر.. غالب وليّ نفس سلطان أبويّ..

وكل ماتتكحرت الدنيا بيّ باصدق إني مميز عنده...
شايف أنه محاوط عليّ أنا شخصيًا زي ما كان مميز بني إسرائيل وقت الضربات... الأرض كلها ضلمة "لَمْ يُبْصِرْ أَحَدٌ أَخَاهُ، وَلاَ قَامَ أَحَدٌ مِنْ مَكَانِهِ ثَلاَثَةَ أَيَّامٍ.
وَلكِنْ جَمِيعُ بَنِي إِسْرَائِيلَ كَانَ لَهُمْ نُورٌ فِي مَسَاكِنِهِمْ". (الخروج ١٠: ٢٣)
أيوة هو واعد أنه لولاده نوووور🌞..

وسط التجربة👈🏻 هو بيعلمني الحرب..
وسط الخنقة 👈🏻هو مريحي وعاضد نفسي..
وسط الظروف الاقتصادية👈🏻 هو ستري..
وسط الألم👈🏻 هو عزايّ..
وسط التخبط👈🏻 هو ليه السلطان..
وسط العتمة👈🏻 هو واعد بالنور...
ابويّ إله النور💜