[walaa farouk]

قالوا عن الرحمة واحنا صغيرين ..
إن حرام تضربي قطة وكلب في الشارع..
حرام طفل صغير يبكي ..

كان كل معلوماتنا عن الرحمة هي أفعال بتتعمل لناس أضعف
وأصغر أو أفعال لما ماعملهاش بيتوجه ليّ لوم …
بس لما كبرت وعملت حاجة غلط كبيرة..
حقيقي فهمت وقتها يعني ايه رحمة بجد🥺
رحمة لما غلطت وكان نفسي اللي قدامي يقولي متقلقيش …
أو لما اتكسفت من غلطتي وقلت يا أرض ابلعيني
واتمنيت حد يجي يقولي خلاص،موقف وحصل وكلنا بنغلط..
فهمت الرحمة لما كان في ايدي أفضح بس قررت أسكت وأرحم غيري ..
واقول "عشان يجي عليّ يوم ولما اغلط اترحم..
فهمت الرحمة من المسيح واللي عمله مع المرأه اللي امسكت في ذات الفعل
وجايبنها ليه عشان تترجم، وقالهم اللي فيكم من غير خطية يرمي عليها الحجارة ….
رحمها وهي في موقف لا تحسد عليه💔 ..
افتكرت المواقف اللي كان نفسي فيها حد يرحمني واعترفت بغلطتي وقولت أنا آسفة وكان الرد كله قسوة..
كنت اتمني يطلع حد يرحمني من وسطهم

لكن المسيح دايمًا بيتحرك عكس المجتمع، وبينادينا نكون شبه☺️

سامعاك بتقول "طُوبَى لِلرُّحَمَاءِ، لأَنَّهُمْ يُرْحَمُونَ." (مت 5: 7).

يارب أنا باصلي وباتوب النهارده
عن كل موقف كان المفروض فيه أرحم و معملتش كده
وافتكرت إن ده حق ونسيت النعمة..
وفضحت اخويا في موقف حتي لو بسيط
مارحمتش لما اخويا كان محتاج يترحم

يارب ارحمني وعلمني أرحم💜

#يا_بختك_لو