[walaa farouk]

الكتاب المقدس مش كتاب انتصارات ولا حياة قديسين عايشين دايمًا في السما
وحالة روحية عالية ونفسية مرتاحة ومتشجعة..

اللي بنسمع عنهم كأبطال وقديسين عدّوا بأوقات صعبة برضو، صعبة جدًا..
👈 داود..
زنا، خاف، هرب، احبط، اكتئب.
👈 آساف..
شعر بالغيرة من الأشرار.
👈 شاول..
عصى الله، كان غيران من داود وتأييد الله والشعب ليه.
👈 إيليا..
نبي مكتئب وخايف وهربان من تهديد ملكة وثنية.
👈 شمشون..
قائد فاقد السيطرة على شهوته.
👈 يهوشافاط..
ملك مُخلص جدًا لله لكن صداقته مع آخاب كانت هتنهي حياته.

كل مرة باحس بالاحباط إني مش ماشي حسب قلب الله
، أفتكر إن الله نفسه فاهم ضعفي ومحدوديتي.
الله نفسه شاف كل الناس دي قديسين واستخدمهم لآخر لحظة.

وبافتكر برضو إن العامل المشترك بينهم، كان رجوعهم وتوبتهم ومعافرتهم تاني.

حزين؟.. مكتئب؟.. غلطت؟.. بعدت عنه؟.. حاسس إنك عاكك الدنيا؟؟..
هو لسه قادر يستخدمك ويرجعك تكمل اللي بدأه معاك.

ياللا نتشجع ونشجع بعض.. إننا حتى لو تحت قوي، ينفع نرجع تاني للارتفاع. 🦅

"أَرْفَعُ عَيْنَيَّ إِلَى ٱلْجِبَالِ، مِنْ حَيْثُ يَأْتِي عَوْنِي! مَعُونَتِي مِنْ عِنْدِ ٱلرَّبِّ، صَانِعِ ٱلسَّمَاوَاتِ وَٱلْأَرْضِ."
المزامير 121: 1-2