[walaa farouk]

نَثَنَائِيلُ ، إِسْرَائِيلِيٌّ حَقًّا لاَ غِشَّ فِيهِ ..

بقالي كذا يوم قصة الراجل ده شغلاني اوي ،
إزاي من جملة واحدة قالها له المسيح إتبدل رأيه
و هجومه علي يسوع اللي كان حتى من قبل ما يشوفه
و شهد وَقَالَ لَهُ:«يَا مُعَلِّمُ، أَنْتَ ابْنُ اللهِ! أَنْتَ مَلِكُ إِسْرَائِيلَ!» ..

نثنائيل لما راح له فيلبس قاله قد وجدنا الذي كتب عنه موسي في الناموس و الانبياء ، يسوع ابن يوسف الذي من الناصرة ..

الغريب إن الكتاب ماذكرش غير اربع أو خمس جُمل
بس كانوا في الحوار المباشر بين يسوع لنثنائيل
أولهم في إتجاه و آخرهم الاتجاه اتغير تغيير جذري
، بص الكلمات دي :

قَالَ لَهُ نَثَنَائِيلُ:«مِنْ أَيْنَ تَعْرِفُنِي؟»
أَجَابَ يَسُوعُ وَقَالَ لَهُ:«قَبْلَ أَنْ دَعَاكَ فِيلُبُّسُ وَأَنْتَ تَحْتَ التِّينَةِ
، رَأَيْتُكَ».

انا زيي زيكم بالظبط معرفش نثنائيل كان تحت التينة بيعمل إيه ؟
و إزاي كان متأكد إنه محدش شايفه ؟ يعني مثلاً هل ده مكان سري فهو حتي مدخلش في نقاش مع يسوع أنه مثلا عادي
و ايه يعني أنك تشوفني تحت التينة ؟ 🤔
طيب مثلاً يمكن كان بيكلم الله عن حاجات مينفعش
تخرج برا عنهم هما الإتنين ؟
اللي عايز اقولهولك على الصبح كده:
" الله شايفك ، شايفك بجد ، حتى في المكان اللي انت مش متخيل إنه بيشوفك ومعاك فيه ، هو قادر بكلمة يعيد تعريفك لهويتك الأصلية و يرد اللي انت بتدور عليه من زمان ، هو شايف محاولات قلبك " ♥️

هو بيقولك في صباح يوم جديد :
سَوْفَ تَرَى أَعْظَمَ مِنْ هذَا . 🔥