[walaa farouk]

سمعت قبل كدة عن قصة بتحكى عن حوار تلفزيونى
حصل مع واحد من الرحالة
وكانت رحلاته عبارة عن انه بيطلع جبال كتيرة
ويمشى فى الصحراء

فسالته المذيعة سؤال
بتقوله كدة اية اكتر تحدى او معوق
بيقابلك فى رحلاتك البرية دة ؟

فهى توقعت انه يجاوب عليها ويقولها الميا والاكل والشمس القوية

لكن هو فاجئها بأجابته
وقالها اكتر معوق بيعوقنى وانا طالع رحلاتى وهو
الحصى الصغير اللى بيدخل جوة الجزمة بتاعتى
فقالها كل الناس متوقعة انه ممكن اقابل مشاكل زى الميا تخلص الاكل يكون قليل الشمس تبقى جامدة وقوية

ولكن الحصى اللى انا مش بكون عامل حسابه دة بيالم
رجلى جدا ويبطأ حركتى وبيتعبنى وانا طالع رحلاتى
واى حاجه تانية بتكون ظاهرة انا بكون عامل حسابها
لكن اللى مش عامل حسابه الحاجة الصغيرة اللى مش بكون شايفها ..

والفكرة دة بتفكرنى باية موجودة فى سفر نشيد الانشاد 2: 15
"خذوا لنا الثعالب ، الثعالب الصغار المفسدة الكروم ، لأن كرومنا قد اقلعت . "

بكل بساطة واحنا فى حياتنا مع ربنا بنكون واخدين بالنا من الخطايا الكبيرة وبنبعد عنها
وبنصلى علشانها وبنصلى لحماية منها لكن فى ثعالب صغيرة او حصى صغير زى اللى عند الرحالة
بيدخل فى حياتنا بيخلينا مش قادرين نتستمع بالحياة ولا بعلاقتنا بربنا و ماشيين حياتنا ببطأ
وبيخلينا متالمين واحنا بنعافر علشان الهدف
وممكن الثعالب الصغيرة دة تكون فكرة فى دماغى
او اتجاه فى قلبى وممكن تكون فى طريقة كلامى او طريقة
هزارى ،
خلى بالك كويس اوى وافحص نفسك قدام كلمة ربنا ✨❤

دوق_كلمته