[walaa farouk]

لما تسيب حد زعلان ، او تستهين بزعله ، او تتنمر على حساسيته
، او لا تجبر بخاطره و لا تحسن مراضاته ، النتايج نار و مرار ..

الفكر و الزعل ح يخلليه يقعد طول الليل يبنى فى حواجز بينه و بينك .. من كتر الوجع ح يحط جدار من العزلة النفسية و ينعزل بعيد عنك ..

ح يقوم من النوم مقرر انه ما يعرفكش و لا ينفتح عليك و لا يدخل جواك و لا يتونس بيك و بتسند عليك ..

يعمل كده ازاى و انت كسرته و خذلته و قليت منه ..
يعمل كده ازاى بعد ما طلع كلامه الجارح وقت الزعل و قال له المرار اللي جواه .. اصل فى الزعل كل المستخبى بيطلع ، و مشاعره العميقة بتظهر ..

و حتى لما جه يراضى ، ما كانش فيه اى صدق و لا نية مخلصة للصلح ، و كلام العتاب كان أمّر من كلام الزعل ..

ما تزعلش الناس ابدا ..
و لو زعلت حد أجرى و راضيه بسرعة و بقلب ..

اصل الحواجز لو اتبنت بينك و بين حد صعب قوي تتشال ، و عاوز زمن طويل قوى قوى ..

صح الكلام ؟؟