[walaa farouk]

"فَإِنَّهُ فِي هذَا شُهِدَ لِلْقُدَمَاءِ"..عبر٢:١١..
عملت اجتماع طارئ ودعيت أبطال الإيمان قولتلهم
كل واحد يقول كلمه عن الرب في جمله مختصرة:-
**هابيل قال
قدمت أفضل ما عندي ليه.
**اخنوخ قال
مشيت معاه وعاوز ارضيه ومش حاسس بنفسي سباني فيه..
**نوح قال
صنعت الفلك اللي طلبه مني وقالي هايكون خلاصك بيه..
**إبراهيم قال
مهما طالت المده هاينفذ وعده اللي قالي عليه ..
**ساره قالت
اخذت القدرة من ايديه وشوفت المستحيل اتحقق
**اسحق قال
الرب قالي ازرع وزرعك هاتخده 100 ضعف تلاقيه.
**يعقوب قال
لقيت في الصحراء سلم ملايكه حرسني والرب واقف عليه ..
**يوسف قال
لو اتذليت او اتظلمت تعويضي بين ايديه اصلي واثق فيه..
**موسي قال
خزاين مصر متساويش قعده عند رجليه ولو قدامك بحر يعبرك فيه..
**راحاب قالت
شَرَك وذنبك يمحيه..
**جدعون قال
لو شايف نفسك صغير انت جبار بأس في عينيه. .
باراق قال
عدوك لو مركباته حديد الهك يزعجه ويمحيه.
**يفتاح قال
لو الواحد محتقر بين اخواته الهك يعليه.
**شمشون قال
اللي يبعد عنه تتقلع عينيه..
داود قال
خليك حسب قلبه وغني ونغم ليه..
صموئيل قال
لما ينادي عليك اسمع ليه. .
🔴 وانت ياللي قريت كل ده تقول عنه ايه؟؟ هو يستاهل نشهد عنه ونعليه "وَأَمَّا:«مَنِ افْتَخَرَ فَلْيَفْتَخِرْ بِالرَّبِّ».
٢ كور١٧:١٠..🙏🏻