[walaa farouk]

اوقات كتير بنعمل حاجات علشان نتحب اكتر
من الناس اللى حوالينا ✨
فبنغير فى شخصيتنا وفى تفكيرنا
ويمكن اكتر فى تصرفاتنا علشان الناس اللى حوالينا تقبلنا اكتر

والحقيقة ان دة ساعات بنيجى اووى على نفسنا
وعلى حياتنا علشان اللى حوالينا يحبونا اكتر

... فى قصة فى الكتاب المقدس فى انجيل يوحنا اصحاح 8
القصة دة بتحكى عن امرأة امسكت فى ذات الفعل ،
الست دة بكل بساطة جبوها الكتبة والفريسين
فى وسط الشعب وفى وجود يسوع علشان يكونوا بيدنوها ويرجموها على جريمة هى عملتها

لكن الحقيقة ان يسوع عمل عكس كدة تماما عكس كل توقعاتهم
بكل بساطة قالهم كدة لو فى حد منكم معملش خطية
فيرميها بحجر اولا،
الحقيقة ان بعد كلام يسوع كل الناس مشيت من حواليها
ويسوع قالها كدة بدل مفيش حد دانك انا كمان مش هدينك
واذهبى ولا تخطئ

الحقيقة اننا مش محتاجين نعمل اى مجهود علشان يسوع يكون بيحبنا
هو بيحبنا كدة من قبل ما نيجى وعارف بكل غلطاتنا اللى هنغلطها...

انا عارفة اننا كتير سمعنا ان الله بيحبنا
وان الله محبة بس المشكلة مش اننا عارفين ان الله
بيحبنا المشكلة الاكبر اننا محتاجين نصدق فى الحب دة

انا بشجعك اوى انك تجرى علية وتدوق الحب
لانه هو الوحيد اللى عندة الحب الحقيقى
اللى تقدر تشبع منه .. الله الوحيد اللى عنده الحب الكامل اللى من غير شروط
اجرى عليه وقوله انا محتاج ادوق الحب دة
واستمتع بيه للأخر علشان كمان اعرف احب الناس اللى حواليا ✨