[walaa farouk]

زمان شوية قبل ما يبقى في
خدمة التيك آواي اصلا في اي مطعم..
لاحظ واحد في أمريكا الاحتياج دا خصوصا للناس
اللي بيسافروا على الطريق من ولاية لولاية
او حتى جوة الولاية نفسها وهما رايحين شغلهم..
لاحظ انهم بيكونوا محتاجين حاجة سريعة ياخدوها
وهما معديين وياكلوها في الطريق .. وفعلا قرر الراجل دا
بأدوات بسيطة يعمل كشك صغير على الطريق
في الولاية اللي كان عايش فيها يبيع فيها للناس
فراخ وبطاطس محمرة بطريقة مميزة.. وبسرعة جدا
الموضوع كبر والكشك بقى مطعم والمطعم
بقي سلسلة مطاعم كتير انتشرت في كل العالم..
دا بشكل او بآخر عمليا اسمه (احتياج العالم) ..
ودا مفتاح مهم أوي لو عايز تحقق رسالة وهدف حياتك
غالي ومؤثر اوي انك تساهم في تسديد احتياج عند الناس
خصوصا لو كان احتياج ميقدروش يوفروه بنفسهم ..
زي الأم تريزا اللي راحت لأفقر اماكن في الهند
علشان تخدم مرضى الجزام وترعاهم وتوفر ليهم حياة كريمة..
وزي ليليان تراشر الأمريكية اللي سابت بلدها وخطيبها
ومستقبلها كله عشان تيجي مصر تخدم الأطفال الأيتام
اللي فقدوا ابوهم وامهم ومعندهمش حد يرعاهم
وناس كتير أوي على مر التاريخ قدروا يساهموا في
تسديد جزء من احتياج العالم.. انت كمان اكيد عندك أي موهبة
او قدرة تقدر تسدد بها احتياج معين.. دور عليها وخليك وراها