[Mary Naeem]

ابن خرج مع ابوه في رحلة بحرية للصيد
فالولد قال يارب ادينا خير مالوش عدد
ابوه قاله قول يارب ادينا اللي يكفينا
الولد استغرب وقاله ازاي كده
انت عاوزنا نفضل فقرا وصغيرين ! خير ملوش عدد يعني فلوس مالهاش نهايه
عاد الاب كلامه تاني وقاله قول يارب ادينا اللي يكفينا
الولد غضب وقاله ، يعني انت واخدني معاك من الفجر في البرد علشان نرجع ب ٢ كيلو سمك
رد الاب وقال ٢ كيلو متباركين احسن من ١٠٠ مافهومش بركه
غصب الابن وقاله ، ارفع ايدك وقوله ادينا خير مالوش عدد ، خد انت اللي يكفيك واديني انا الباقي

سمع الاب كلام الابن علشان يرضيه وقاله ادينا يارب خير مالوش عدد
تفوت ساعه واتنين وتلاته على وجود الشبك في المايه
وفجأه لقوا المركب بتميل وفي طريقها للغرق
ايه الموضوع !
كمية السمك اللي في الشبك اتقل من حمل المركبه
جريوا قطعوا اطراف الشبك علشان ينقصوا السمك
وهنا اتكسف الولد من ابوه وقال
عندك حق ، خير يكفيني احسن من خير يغرقني
كتير بنطلب من ربنا حاجات كتير ، وبنزعل لما بتتاخر
مش مقتنعين ان فيه طلبات لو اتحققت حقيقي هاتغرقنا

اديني رزق على قدي ، بس ماصرفوش على الادوية
اديني رزق على قدي ، بس مافشلش في دراستي
اديني رزق على قدي ، بس اعيش بسلام مع زوجتي واولادي
اديني رزق على قدي ، بس مافقدش سلامي وفرحي
اديني رزق على قدي ، بس حافظ على اولادي
اديني رزق على قدي ، بس تفضل دايماً في قلبي
اديني رزق على قدي ، بس ماتنيمنيش يوم قلقان

لو الكتير هايغرقني ، فانا راضي بالقليل اللي يكفيني