الموضوع
:
لو علي الفلوس سهله
عرض مشاركة واحدة
رقم المشاركة : (
1
)
26 - 09 - 2022, 06:49 AM
walaa farouk
..::| الإدارة العامة |::..
الملف الشخصي
رقــم العضويـــة :
122664
تـاريخ التسجيـل :
Jun 2015
العــــــــمـــــــــر :
الـــــدولـــــــــــة :
مصر
المشاركـــــــات :
383,508
لو علي الفلوس سهله
القصه دي حصلت بالفعل
قاعد مع واحد صاحبي بندردش وبعدين سابني شوية
يخلص حاجة ورجع بيضرب كف علي كف ويقول
"وبعدين معاك يا رب" ووشه بيضحك كده
قولتله مالك يابني احكيلي
بدأ صاحبي يحكي
قاللي اصلها قصه عجب كده... المهم بعد مفاوضات بدأ يحكي
قاللي من ١٠ ايام حد كلمني علي حد محتاج ومزنوق في ٧٥٠ جنيه، الرقم كان كبير، بس اللي كلمني ده قالي ان الشخص ده من اخوة الرب ومزنوق خالص وكده
قولتله لو على الفلوس سهله، وقومت مطلع ٧٥٠ جنيه واديتهمله
وبعدها بدات افكر، ٧٥٠ مره واحده طيب كنت اديته ٢٠٠ او ٣٠٠ جنيه ، وبعدين قولت لو علي الفلوس سهله امري لله
بيقولي بالظبط بعدها بساعتين جالي تليفون شغل
طلعت منه ب ١٢٥٠ جنيه في ساعه
انا قولت اهو ربنا عوض وبزياده
لكن المفاجاه وانا مروح حد يكلمني يقوللي
يا فلان مزنوقين في ٥٠٠ جنيه لحد غلبان ابنه في ثانوي
ومجتاجهم عشان دخلت المدارس
انا قولتلهم لو على الفلوس سهله 😂😂...
اصلا ربنا بعت ال ٥٠٠ جنيه من ساعه واديتهم الفلوس
يعدي يومين و الاقي حد محتاج ٣٠٠ جنيه،. اروح البيت واقول مليش دعوه كفايه الي دفعته وبعدين افتكر انه لو علي الفلوس سهله
، اقوم باعت ال ٣٠٠ جنيه مع حد معرفه
تاني يوم يجيلي مكافاه من مديري ٣٠٠ جنيه
الواد بيحكي وهو مبسوط و فرحان و مستغرب كده
قالي فضلت طول ال ١٠ ايام كل ما ادي فلوس الاقي ربنا بعتها
لحد من شويه كان معايا ٣٠٠ جنيه وبعدين عرفت ان في بيت مدخلوش اللحمه من شهرين روحت جبت ب ٢٠٠ جنيه لحمه وبعتها
وقولت في سري خليها عليا المره دي يارب، سيبني ادفع انا حاجه
وجيت قابلتك، قالي ساعتها جالي تليفون الي سيبتك بسببه عشان اقابل حد يديني ٢٠٠ جنيه زياده علي ثمن شغل كنت عاملهوله
ساعتها لاقتني بقوله " وبعدين معاك يارب"
صاحبي بيقولي انا بقيت بدفع لاي حد محتاج
و لاي حد بيلم فلوس لاخوه الرب وانا عارف ان الفلوس
هاترجع وبطريقه غريبه
بيقوللي انا ناقص ابص الاقي الدنيا بتمطر عليا فلوس
وقاللي فالاخر افتكر... لو علي الفلوس سهله
من يدك وأعطيناك
الأوسمة والجوائز لـ »
walaa farouk
الأوسمة والجوائز
لا توجد أوسمة
بينات الاتصال لـ »
walaa farouk
بينات الاتصال
لا توجد بينات للاتصال
اخر مواضيع »
walaa farouk
المواضيع
لا توجد مواضيع
walaa farouk
مشاهدة ملفه الشخصي
إرسال رسالة خاصة إلى walaa farouk
البحث عن كل مشاركات walaa farouk