[walaa farouk]

كل شوية نسمع عن "أبناء الملكوت"
اللقب ده مش لناس خارقة أو ناس مقفلة
لكن ناس عايشة بقوانين معينة ومكملة فيها ...
يمكن تكون مختلفة عن اللى حواليهم بس
لأنهم بينتموا لوطن وملك مختلف 💙
من أهم صفاتهم "لا يدينوا لكى لا يدانوا" ولكن بقى جزء من حياتنا "التقييم المستمر" ساعات مش بس بنقيم لكن بندين ..
.. بنقرر نعمل قضاة فاهمين وبنشاور على غلط غيرنا
- ساعات بدون تركيز
- ساعات باحب أظهر أفضل من غيرى .
.. لما أفضح عيوبه يظهر برى "الفيك اللى مش حقيقي"
- ساعات بافتكر إني صاحب معرفة أكتر
... أو حتى كبير فى الإيمان ومؤمن من سنين
ولازم امشي ادلدق مشاورة على الغلط علشان الناس تتعظ "
ومش فى كل الأحوال بيكون ده حقيقي"
في كل الأحوال ... رئيس الملكوت كان واضح فى دستوره ...
"مَنْ أَنْتَ الَّذِي تَدِينُ عَبْدَ غَيْرِكَ؟ هُوَ لِمَوْلاَهُ يَثْبُتُ أَوْ يَسْقُطُ.
وَلكِنَّهُ سَيُثَبَّتُ، لأَنَّ اللهَ قَادِرٌ أَنْ يُثَبِّتَهُ" (رسالة بولس الرسول إلى أهل رومية 14: 4)
"هو لمولاه" 👌
ولأني ابن من أبناء الملكوت محتاج اتعلم
وافكر نفسي "بلاش إدانة" فينفع قبل ما أدين حد اسأل نفسي :
👈 هل أنا شايف الصورة كاملة ولأ؟
👈 هل أنا بأعمل نفس الغلط ده بس مخفي ؟
👈 هل أنا دوافعى سليمة ولا عايز أوحّش غيري وأظهر ملاك ؟
👈 هل أصلا ده دورى ولا لأ ؟

أعتقد بعد الأسئلة ديه هنسكت
أبناء الملكوت مش ملايكة بس بيعرفوا يفحصوا نفسهم ويتغيروا🙏🙏