[walaa farouk]

ملكوت الله هو المكان اللي السيادة فيه مطلقة لله وحده فقط،
مش ضروري تكون شايف بعين جسدك حاجة غريبة في المكان ده،
مش ضروري فيه طقس محدد أو فروض معينة بشكل معين،
لكن بكل بساطة في المكان ده روحك بترتاح، أمراضك بتختفي،
كل قيودك تنحل من غير أي عناء وده بس لأن الله حاضر هنا بسيادة مطلقة من غير أي حضور لقوة غريبة شريرة، حضور ربنا وبس

من زمان و الله بيدور لنفسه عن مكان يرتاح فيه علي الأرض،
بس هو مش بيسكن في هياكل مصنوعة بإيدين الناس - و إن كانت ريحة حضوره فينا بتبقى في المكان 😊 - علشان كده في يوم من الأيام جيه لينا ظاهر في جسد إنسان زيي و زيك، وسكن فينا "انت متخيل؟!" 🤩

أنا و انت مش مجرد جسد بسيط تتحكم فيه قوة الطبيعة،
أو متاحين بكل سهولة لعمل أرواح شيطانية فينا.
لكننا بوابة علي عالم روحي مفتوح فيه الله يحكم و يتسلط.

لو لسه مإختبرتش ده، مش معناه انه مش حقيقي لكن أطلب من ربنا بصدق و ببساطة إنه يملاك و يفيض فيك بحضوره.