[walaa farouk]

مع الأسف خدمة ثانوي في معظم الكنايس مصابة بالإنهيار....
كل الإهتمام دلوقتي هو إزاي نجيب شاب ثانوي للكنيسة لكن مش مهم نزرع فيه فكر كنسي...
. نديله حاجة يحب يسمعها من خبرات وقصص في الحياة ....
لكن مش مهم يتعلم يحب يصلي أو يتعلم يرد على أي واحد زميله في المدرسة بيشككه في إيمانه..
.. خادم شباب ثانوي دلوقتي كل اللي بيشغل باله نجيب الولد بحمام السباحة والكورة.....
طيب مافكرتش يا خادم إنك تقدم كتاب مقدس بشكل جذاب....!!!!
مفكرتش تقدم عقيدة أو طقس بشكل تكنولوجي كدة مبهر....؟؟؟؟
طيب يا خادم ثانوي إنت ضامن إن شاب ثانوي اللي بيجيلك دة هايدخل مدرسة الشمامسة
علشان تبعد عن الحاجات دي في الإجتماع....؟؟؟؟ طيب ضامن إنه هايدخل إعداد خدام....؟؟؟؟
طيب طالما مش ضامن دة وطالما انت واثق إن ممكن ولاد كتير مايكونلهاش ميول
تاخد ثقافة مسيحية بشكل متخصص في الشمامسة وإعداد الخدام
والشاب دة جالك صيدة ثمينة ليه ماتبذلش كل جهدك علشان تزرع فيه حاجة تخليه يشهد للمسيح
وتخلي إيمانه قوي ويواجه المجتمع وتكون بتقدم دة بشكل جذاب ومبهر
يخلي الولد يعمل أي حاجة علشان مايفوتش الإجتماع....!!!! الولد بيخرج من إجتماع ثانوي (هش)
أقل كلمة توديه وتجيبه.... وخادم ثانوي فاكر إن قمة ثمار الخدمة هي حفلة المهرجان
اللي بتتعمل في نهاية الصيف.....
خسارة كبيرة إن يكون عندنا جوة الكنيسة خدمة مهمة بس لا تقدم شئ كنسي....