[walaa farouk]

مبدأيا خلينا نتفق ان الحياة السهلة السلسة دي
اللي كل حاجة فيها ماشية كويس
ومفيش اي مشاكل كبيرة بنتعرضلها فيها..
دي ضرب من ضروب الخيال لأسباب كتير يطول شرحها
اهمهم اننا بشر ومحدودين وعايشين في عالم
بيسود عليه الشيطان، دا غير حرية إرادة الإنسان
اللي بتخليه أوقات كتير يقرر قرارات غلط تأذيه
وتأذي اللي حواليه .. ودول بس أسباب كافية يضمنوا متاعب
وصعوبات كتير في حياة اي انسان نفسه يكتشف رسالة حياته
ويعيش لهدف غالي وليه معنى .. لكن اللي بيفرق بين
شخص نجح في المهمة دي وغيره فشل فيها
هي الطريقة اللي بيبص بيها لنفسه ولإمكانياته
وطبعا للصعوبات نفسها ..
الشخص اللي بينجح هو اللي بيصدق بجد ان هو فرد مهم
في العالم وانه يقدر يصنع فرق، وبيصدق كمان
ان الله قادر يعينه وزي ما في معوقات في حياته
ربنا قادر يبعتله مساعدة وتشجيع ومعونه
علشان يقدر يتغلب عليها ويوصل لهدفه،
هو اللي بيصدق ان الله قادر حتى يستخدم
كل الأشياء الحلوة منها والصعبة انه يخليها في الآخر خير وبركة
ايوة الله بيعمل كدا مع كل شخص عنده علاقة شخصيه بيه..
عشان كدا اتشجع متنحصرش في واقع حياتك الصعب
ومشاكلك اللي مبتتحلش، واجتهد تطلع برا وتشوف حياتك
والعالم بنظارة اوسع .. علشان تقدر تكتشف فعلا
ايه هدف ورسالة حياتك، يلا اتشجع 💪☺️