03 - 09 - 2022, 10:26 PM
|
|
|
|
..::| الإدارة العامة |::..
|
|
|
|
|
|
"يحرب" ، تعبير قديم من "الحرباية" اللي بتقعد تجرى يمين و شمال
و تغير لون جلدها علشان تحقق غرضها اللي في دماغها ..
و فيه ناس كده "بتحرب" ، مابتتهدش ..
تتربس في فكرة غلط و تصمم عليها ، و تلف و تدور لغاية ما تعمل اللي في دماغها ..
و بعدين ، و غالبا بعد فوات الأوان، تكتشف انها "عكت" نفسها و "عكت" غيرها اخر "عك" :
لخبطة في لخبطة، و غلط في غلط..
و الغريبة ان ربنا يا ما حذرهم، و يا ما بعت لهم علامات ،
و يا ما ناس نصحتهم، و اللي " فيهم فيهم" ..
و الناس دول ياما حربوا في حاجات بسيطة في القرارات اليومية زي الشراء و السفر و ..
و بعدين حربوا في حاجات مصيرية : زي هجرة لا تناسبهم
، او زي علاقات حب باين من اولها انها "ما تنفعش" ..
و انتهت قصصهم يا بهجرة فاشلة او بخطوبة فاشله، يا أحيانا بجوازة فاشلة ..
انك تكافح في الصح ده اصرار جميل ، إنما انك تحرب في الغلط ده دمار لحياتك..
حاسب من "الحرباية" اللي بتطلع لك كل شوية من عقلك و تجرجرك وراها ..
|