[walaa farouk]

قصة فرقت معايا من الكتاب المقدس 🧐 ✨
وهى قصة خروج الشعب من ارض مصر... كلنا عارفين ان الشعب قعد وقت طويل فى العبودية
واثناء وهو قاعد فى ارض مصر كان بيشوفوا المصريين وهما يعبدوا الاوثان
وهو مكنش بيعبد اوثان ولكن كانت العبادة المنتشرة هناك وشكل الاله بالنسبة للمصريين هو وثن

علشان كدة دة اثر جداا على الشعب ،الشعب كان بالنسباله شكل الاله وثن ومكنش يعرف شكل تانى للاله
علشان كدة لما الشعب خرج من ارض مصر عاش حاجات كتير جدا مع الله جميلة

لكن مع اول موقف لما موسى صعد الجبل اربعين يوم واتاخر
فكر الشعب بنفس العقلية بتاعته ان موسى اكيد مات ونعمل لنفسنا اله وثنى نعبده

لان دة هو الاله اللى احنا متعودين عليه احنا منعرفش اله تانى
حتى لو شوفنا منه حاجات كتير ... وعملهم فعلا العجل الذهبى
وقالوا ان دة الاله اللى اخرجنا من ارض مصر وان هو دة الاله اللى يستحق اننا نعبده

مش مهم الله عمل معانا اية ....
مش مهم المواقف اللى عشناه معاه
واللى اعلنه عن نفسه المهم الاله اللى عاوزيين نكمل بيه
احنا عاوزيين منه حاجات معينه و نقدمله بس حاجات معينه .
.. وهو دة الله فى نظرنا !

ـ على العكس موسى كان على الجبل فوق بيتكلم مع الله ودة نوع من العلاقة التانية
الله بيتكلم مع موسى عن المه
عن اللى الشعب بيعمله وبيشارك موسى بمشاعره


ـ ديه العلاقة اللى الله عاوزها مننا
هى دة العلاقة الحقيقة اللى تكبرنا
و العلاقة اللى ربنا عاوزاها لكل واحد فينا ان نكون مع الله
... الكلام ده ليك بشكل شخصي .. صدقنى 🥰

اختار العلاقة الحقيقة بلاش تعمل اوثان تعبدها
وتبعد عن الاله اللى شق البحر علشان يخرجك من العبودية
اتكلم معاه عن مشاعرك عن كل حاجه بتمر بيها
وانتظر تسمع صوته يفرحك ويحتويك 🙏😍
هو مصدر الامان والراحة ... صدقنى 🥰