[walaa farouk]

الحياة هي طريق بيودي للأبدية..
علشان كدا لازم نفكر مفروض نعمل ايه في الطريق ده
طيب أعمل ايه علشان يبقى ليا الحياة الأبدية ؟
في مرة جه حد من رجال الدين اليهود
يجرب المسيح وساله السؤال ده
قال للسيد المسيح اعمل ايه علشان يكون ليا حياة أبدية؟
سأله المسيح بما انك رجل دين، الشريعة بتقول ايه؟
فَأَجَابَ وَقَالَ: «تُحِبُّ الرَّبَّ إِلهَكَ مِنْ كُلِّ قَلْبِكَ، وَمِنْ كُلِّ نَفْسِكَ،
وَمِنْ كُلِّ قُدْرَتِكَ، وَمِنْ كُلِّ فِكْرِكَ، وَقَرِيبَكَ مِثْلَ نَفْسِكَ».(لو 10: 27)
وهنا نطلع بحاجتين لازم تعملهم في حياتك
1- تحب الله
الوصية هنا بتحط مستوى عالي من المحبة
كلنا ممكن نقول طبعا بحب الله
لكن راجع نفسك
بتحبه من كل قلبك؟ فكر قلبك في ايه؟
بتحبه من كل نفسك وقدرتك؟
بتحبه من كل فكرك؟ ركز فكرك مشغول بايه؟

2- تحب الآخرين
القريب في الآية دي مقصود بيها الآخرين
وحب الآخرين موضوع كبير يمكن نتكلم عنه بالتفصيل بعدين
لكن عايزك تفكر ياترى انا بحب الناس اللي حواليّ ولا لا؟
وعلى الرغم ان الوصية موجودة في الناموس
لكن محدش قدر يعملها
لاننا عاجزين عن تنفيذ الناموس بدون المسيح
وعلشان كدا جه السيد المسيح وكل من يؤمن به
يقدر يعمل اعمال الناموس (رو3)