[walaa farouk]

لو كان دانيال عايش في وقتنا ده تفتكروا كان هايتعرض عليه أيه
علشان يكون في منصب عالي أو إنه يكون في عين الناس ناجح ومميز؟!
أعتقد كانوا هاينصحوه بإنه يجاري الكل علشان يوصل لهدفه.
.. ويكون كلامه معسول أو يعمل كل اللي يتقاله عليه من غير ما يفكر.
وإنه يكون عنده واسطة علشان توصله للمنصب الكبير أو هايقولوله أنت مين علشان ماتنفذش؟
وعلشان تمشي بطريقتك وإيمانك وتكون مختلف عن باقي اللي في سنك!!!
كلام كتير بنسمعه في الواقع بتاعنا يمكن كل يوم
وبنقول في نفسنا إحنا مش هانقدر نكون ناجحين
وفي نفس الوقت نكون ماشيين بأمانة قدام ربنا وإن النجاح محتاج نتعامل بزيف وخداع زي الناس.
... بس بفكرك أنه بعد مالكتاب قال عن دانيال إنه رفض يتنجس بأطايب الملك
وخمر مشروبه قال عنه برضوا هو والفتية اللي كانوا معاه
"أمَّا هؤُلاَءِ الْفِتْيَانُ الأَرْبَعَةُ فَأَعْطَاهُمُ اللهُ مَعْرِفَةً وَعَقْلاً فِي كُلِّ كِتَابَةٍ وَحِكْمَةٍ،
وَكَانَ دَانِيآلُ فَهِيمًا بِكُلِّ الرُّؤَى وَالأَحْلاَمِ." (دانيال ١: ١٧) "
وَفِي كُلِّ أَمْرِ حِكْمَةِ فَهْمٍ الَّذِي سَأَلَهُمْ عَنْهُ الْمَلِكُ وَجَدَهُمْ عَشَرَةَ أَضْعَافٍ فَوْقَ كُلِّ الْمَجُوسِ
وَالسَّحَرَةِ الَّذِينَ فِي كُلِّ مَمْلَكَتِهِ." (دانيال ١: ٢٠)
سؤال ليك إنت شايف الزمن بتاعنا ده يتعاش إزاي؟!
جربت تعيشه مع ربنا وترفض الطرق المعوجة؟