[walaa farouk]

ناس كتير بيكون عندهم مشكلة في دعوة الله بابا،
لأنه اختباراتهم مع آبائهم الأرضين صعبة، قاسية، فيها خزي وعار،
اتأذوا منهم بطرق مختلفة سواء مقصودة أو غير مقصودة ،
و دا بينعكس علي صورة الله الآب
و ناس العكس بابا كان حلو و حنين فقدروا يلمسوا
إن الله الآب طيب و حلو
سواء كنت من دول أو دول👈🏻
غالبا صورة ابوك الارضي بتبقي نضارة 🕶
بتشوف الله الآب بيها
فلو بابا كان صعب بتشوفه صعب 😢
و لو كان حلو بتشوفه حلو 😍
و الأب السماوي حاجة تاني خالص
تعال النهاردة اخلع النضارة دي
و دا مش سهل 🙈و محتاج مساعدة روح الله..
فالأبوة الإلهية هي الصورة الأصلية اللي اتشوهت
بسبب الأبوة الإنسانية..
الحقيقة انه كانت علاقة الله الآب بالابن يسوع قبل الوجود البشري،
فلو عايز تعرف أبوك السماوي الحقيقي بص علي علاقة يسوع بيه
شوف الله الآب🤓 :
بيكلمه ازاي 😍
بيمجده ازاي😇
بيقوده ازاي 🧐
و أخيرًا إزاي قال يسوع- عشان ثقته في صلاح الآب السماوي-
علي جبل الزيتون : "لتكن لا إرادتي بل إرادتك" لو ٢٢ : ٤٢
ما أصعبه قرار ‼️‼️
لكن معرفة يسوع بصلاح الآب بَنِت الثقة في أبوه السماوي...
يارب ساعدني اشوفك النهاردة الآب السماوي
كما أنت بدون خلفية سابقة
ما أروعك أب

#تتعاش_مش_بس_تتقال