[Mary Naeem]

إِزَّاي بَقَعْ فِي الخَطِيَّة ؟ بَقَعْ فِي الخَطِيَّة بِحَاجْتِينْ إِنْ جُوَّايَا أنَا رَبِّنَا أعْطَانِي غَرَائِز هَدَفُه مِنْ الغَرَائِز يِحَافِظْ عَلَى حَيَاتِي وَعَشَانْ يِحَافِظْ عَلَى حَيَاتِي أعْطَانِي الغَرَائِز بِتَاعْتِي مُرْتَبِطَة بِلَذَّة عَشَانْ يِحَافِظْ عَلَى حَيَاتِي أكْثَر .. تَخَيَّلُوا إِنْ الأكْل لاَ يُوْجَدٌ فِيهِ لَذَّة كَانِتْ كُلَّ النَّاس لاَ تَأكُلْ .. لَوْ الشَّهْوَة لاَ تُوْجَدٌ بِهَا لَذَّة كَانْ كُلَّ النَّاس لاَ تَمِيل لِبَعْضَهَا – الأوْلاَدٌ وَالبَنَات – وَلَمَّا لاَ يَمِيلُوا لِبَعْض لَنْ يَتَزَوَجُوا .. وَلَمَّا لاَ يَتَزَوَجُوا لَنْ يُنْجِبُوا وَلَمَّا لاَ يُنْجِبُوا لاَ يُوْجَدٌ بَنِي آدْمِينْ .. فَرَبِّنَا أرَادَ أنْ يَتَزَوَجُوا وَأرَادَ أنْ يُنْجِبُوا عَشَانْ الأرْض تِفْضَل مَلْيَانَة نَاس .. لأِنْ لَوْ رَبِّنَا مَاكَنْش وَضَعْ المُيُول دِي كَانِتْ النَّاس خِلْصِتْ .. وَلَوْ مَفِيش مِيل لِلأكْل كَانِتْ النَّاس مَاتِتْ .. لَوْ مَفِيش مِيل لِلخُوْف كَانِتْ النَّاس أنْهِتْ حَيَاتْهَا بِأي طَرِيقَة .. رَبِّنَا مِنْ مَحَبِّتُه وَضَعْ فِينَا غَرَائِز وَوَضَعْ كُلَّ غَرِيزَة مُرْتَبِطَة بِلَذَّة .. الشَّيْطَان إِسْتَغَل النُقْطَة دِي وَبَدَأ يِوَقَعْنَا بِاللِّي رَبِّنَا عَطِيه لِينَا لأِنَّهُ بِيحِبِّنَا فَابْتَدأ يِفْصِلْنَا عَنُّه .. فَأنَا بَقَعْ فِي الخَطِيَّة بِحَاجْتِينْ مُيُول جُوَّايَا وَغُوَايَة مِنْ العَدُّو عَمَّال يِغْرِينِي وَبَعْد مَا أأقَعْ يِسْتَعْبِدْنِي .