فقدان شخص عزيز عليك بيطفيك..
هتكمل حياتك اه بس دائما هتحس ان فيه حاجة ناقصة
فيه مكالمة تليفون ناقصة
فيه فرحة ناقصة
في صورة ناقصة
فيه سند ناقص
فيه طبطبة ناقصة
فيه عتاب ناقص
حتى الزعل بيكون ناقص
وهتلاقي نفسك بتفتكره في أوقات غريبة
وتكتشف انك اصلا منستهوش
وهتلاقيك بتحاول تمسك دموعك لو جات سيرته او شفت صورته
وهتلاقيك دائما بتعاتب نفسك وتتساءل اذا كنت انت قصرت في حقه في اي يوم من الايام
وهتفهم المعنى الحرفي لقلبك موجوع
ومهما عدت السنين ..
عمر ما حد هيقدر يحل محل الشخص ده
او يملأ الفراغ اللي سابه