[walaa farouk]

الكلام لغة التواصل اللي بنستخدمها طول الوقت، فتأثيرها يا يطلع قدام يا يرجع لورا، أول نوع للكلام هو:
1- الكلام الفاضي: سمعت عنه قبل كدة؟؟
هو كلام بيدل على إن صاحب الشخصية فاضي من الداخل
فيستخدم كلمات تأثيرها لا يدوم أو يستخدم كلمات رنانة لكنها لا تحمل أي قيمة أو معنى 🙈
2-كلام الثرثرة: وهو كثرة الكلام دون حدود أو تمييز إمتى أتكلم وإمتى أسكت؟
الشخص ده بيقول رأيه دايما حتي لو مش ضروري وبيشعر إن كلمة "معرفش"
فيها تقليل منه مع إن كلمة معرفش تدل إني شخص مدرك حدودي كويس 👌
3-الكلام الهدام: كلام مليان بالإحباط والسواد والتفشيل والشكوى والتذمر،
ربنا ينقذنا من النوع ده من الكلام ويساعد كل شخص بيعاني من الداخل
ومحبوس داخل إحباطات كسراه ويديله حرية 🙏
4-كلام بسلطان: هو الكلام اللي من ربنا يعطي نور وله قدرة على تغيير فكر الشخص
وواقعه وده نشوفه اتقال عن المسيح في انجيل مرقس 1 : 21-22
ثُمَّ ذَهَبُوا إِلَى كَفْرَنَاحُومَ، وَفِي يَوْمِ السَّبْتِ ذَهَبَ السيد المسيح إِلَى بَيْتِ الْعِبَادَةِ وَأَخَذَ يُعَلِّمُ النَّاس
.فَتَعَجَّبُوا مِنْ تَعْلِيمِهِ، لِأَنَّهُ كَانَ يُعَلِّمُ بِسُلْطَانٍ وَلَيْسَ كَالْفُقَهَاءِ. 🙏